Уншигч та бүхэнд дөрөвдүгээр сарын зурхайг танилцуулж байна. 

-Хонь-

Эргэн тойронд тань чамгүй олон зүйл өөрчлөгдөх бололтой. Тэр болгоныг соргогоор хүлээж авч, санаж сэрэх цаг. Гариг эрхсийн нөлөөгөөр хүнд цохилтод орох, хүнд хэцүү үеийг даван туулах шаардлага гарч магадгүй. Гэхдээ өөртөө хэт хатуу хандаж болохгүй. Түүхээ дахин бичиж, өөрийгөө бүтээлчээр илэрхийлэхэд тохиромжтой цаг үе ирсэн гэж ойлгоорой. Санхүүгийн байдлаа сайжруулах шинэ боломжууд гарч ирнэ. Урагшлах, аливаа хязгаарлалтаас өөрийгөө ангижруулахад тань туслах шинэ санаа, шийдлүүд олдоно. Хайр дурлалын харилцаа сорилт бэрхшээл ихтэй байна. Эв найрамдлаа хадгалахын тулд танаас багагүй хүчин чармайлт гарна. Нуруу, ходоод, нүдтэй холбоотой эрүүл мэндийн асуудал үүсч магадгүй. Эрүүл мэндийн асуудлаас хол байхын тулд урьдчилан сэргийлэх нь хамгийн чухал гэдгийг санаарай

-Үхэр- 

Үзэн ядагч нар гарч ирж, найз нөхдийн тань тар танигдаж магадгүй. Гэсэн ч эцсийн эцэст та өөрийгөө олж авах болно. Та өмнөхөөсөө ч илүү хүчирхэгжих болно. Үндсэндээ дөрөвдүгээр сар бол зарим нэг хатуу үнэнтэй нүүр тулах сар. Өөрийнхөөрөө урагшилж, адал явдал хайхаас бүү ай. Хэсэг харанхуйлж болох ч удалгүй хонгилын үзүүрт гэрэл харагдах болно. Аливаа санал зөрөлдөөнийг шийдвэрлэхийн тулд тэвчээртэй байж, дипломат арга барилыг хэрэгжүүл. Хайр дурлалын харилцаа үймээн самуунтай байна. Харилцаа холбоо бол зөрчилдөөнийг даван туулах түлхүүр. Ходоод гэдэстэй холбоотой эрүүл мэндийн асуудал үүсч магадгүй. Ядрахаас сэрэмжилж, завгүй хуваарийнхаа дунд амралтыг багтаагаарай. Санхүүгийн байдал сайжирна. Гэлээ гээд хамаагүй зардал гаргаж болохгүй. Зардлаа хянаж, зарцуулалтаа ухаалгаар эрэмбэл.

-Ихэр-

Хамт олон дунд таны гүйцэтгэх үүрэг их байна. Хамт олноо төлөөлж хариуцлага хүлээх, манлайлах шаардлага гарна. Энэ нь хэдий стресстэй байсан ч эргээд та маш их зүйл сурсан байх болно. Хуучин хэв маягаасаа салж, өсч хөгжих шинэ боломжийг өөртөө нээ. Анхаарал төвлөрөл болон тэсвэр хатуужил бол танд хамгийн хэрэгтэй зүйл гэдгийг санаарай. Аз болж таныг дэмжих хүн эргэн тойронд тань олон байна. Удирдах албан тушаалтны дэмжлэгээр мэргэжлийн хувьд өсөх болно. Хайр дурлалын харилцаа эхэндээ романтик байх ч сар ахих тусам тэвчээр, ойлголцлыг шаардах болно. Хөл, нуруутай холбоотой эрүүл мэндийн асуудал үүсч магадгүй. Сарын сүүлчээр цусны даралт ихсэхээс болгоомжил. Санхүүгийн байдал сайн байна. Орлого мэдэгдэхүйц өснө. Бизнес эрхлэгчид ашигтай гэрээ хэлэлцээр байгуулж чадна.

-Мэлхий- 

Энэ сард ажил мэргэжлийн хувьд мэдэгдэхүйц ахиц дэвшил гаргаж чадна. Үүний зэрэгцээ бусдад хүлээн зөвшөөрөгдөх хэрэгцээ тулгарна. Таны хувийн зарчим болон ёс суртахууны хил хязгаарыг сорьсон асуудал тулгарч магадгүй. Бие махбодийн хувьд ч, сэтгэл зүйн хувьд ч саад бэрхшээл тулгарч магадгүй. Карьераа ахиулахын тулд ямар нэг төлөвлөгөөгөө цуцлах шаардлага гарна. Эцэстээ эдгээр сорилт нь танд өсөх боломжийг олгоно. Хүчин чармайлт тань үнэлэгдэж, олон жилийн алсын хараагаа хэрэгжүүлэх замыг нээнэ. Хайр дурлалын харилцаанд тодорхойгүй байдал зонхилно. Хайртай хүний тань эрүүл мэнд санаа зовооно. Зөв хооллолт, тогтмол дасгал хөдөлгөөн зэрэг стрессээ зөв удирдах арга техникээр өөртөө анхаарал тавь. Сарын сүүлээр санхүүгийн байдал сайжирна. Бизнес эрхлэгчид эрсдэлтэй хөрөнгө оруулалтаас зайлсхий.

-Арслан- 

Боловсролоо дээшлүүлж, оюун санаагаа хөгжүүлэхэд анхаарал хандуулна. Болзошгүй саад, сорилт бэрхшээлийг үл харгалзан та урагшлах замдаа орсон байна. Санхүүгийн асуудал үүсч, хохирол амсч магадгүй. Гэхдээ аливаа төгсгөл нь шинэ эхлэлийг авчирдаг гэдгийг санаарай. Хүчтэй, томоохон өөрчлөлт таны амьдралд хэрэгтэй байсан ч байж мэдэх юм. Гайхалтай шинэ санаа гаргавал биелэх магадлал өндөр байна. Анхаарал төвлөрөл муу байснаар чухал зүйлийг анзаарахгүй өнгөрч магдагүй. Хайр дурлал, гэр бүлийн харилцаа бат бөх байна. Гэр бүлийн гишүүд хоорондын харилцан ойлголцол, энхрийлэл нэмэгдэж, эв найртай байна. Ил тод байдал нь харилцааг улам бэхжүүлэх тул хайртай хүндээ үнэн сэтгэлээ цаг алдалгүй илэрхийлээрэй. Зөв хооллолт, тогтмол дасгал хөдөлгөөнийг амьдралдаа хэвшүүл.

-Охин-

Гадаадад аялах, суралцах боломж гарч магадгүй. Дундын хөрөнгө, санхүүгийн асуудалтай холбоотой бичиг баримтын асуудал үүснэ. Заримдаа бүх зүйл болж бүтэхгүй үе гарна. Энэ үед бүхнийг байгаагаар нь хүлээн зөвшөөрч, шинэ эхлэл рүү зориг шулуудан орохыг зөвлөж байна. Хайр дурлалын харилцаа үймээн самуун, зөрчилдөөнтэй байна. Гэхдээ сар ахих тусам зөрчилдөөн намжиж, асуудлаа шийдвэрлэж чадна. Тэвчээр, анхаарал халамж бол асуудлыг шийдэх түлхүүр. Энэ сард эрүүл мэндээ нэн тэргүүнд тавиарай. Нуруу, ходоод, үе мөчтэй холбоотой эрүүл мэндийн асуудал үүсч магадгүй. Амьдралын зөв хэмнэлтэй байж, цаг тухайд нь эрүүл мэндийн тусламж үйлчилгээ авах хэрэгтэй. Санхүүгийн байдал сайнтай муутай байна. Бизнес эхэндээ амжилттай байх ч алсдаа саад бэрхшээл үүснэ.

-Жинлүүр- 

Дөрөвдүгээр сар бага зэрэг сорилтоор эхэлж байна. Чухал өөрчлөлттэй нүүр тулах цагтаа өнгөрсөн үеийн ачаа тээшээ орхиж сур. Энэ нь зөвхөн таны төдийгүй бусдын амьдралд ч нөлөөлнө. Аливаа сорилт бэрхшээлийг даван туулахад багаар ажиллах нь хамгийн чухал. Ажил хэргийн харилцаанд эр зориг, итгэл үнэмшил шаардагдана. Сэтгэл дотроо та асар их өөрчлөлтийг даван туулж байна. Санхүүгийн асуудал, сэтгэл санааны дарамттай хослон таныг багагүй зовооно. Хөрөнгө оруулалт ашигтай байж болох ч болгоомжтой зарцуулахыг зөвлөж байна. Сарын сүүлээр нэмэлт орлого орж ирнэ. Хайр дурлалын харилцаа сарын эхэн үед үймээн самуунтай байна. Сар ахих тусам байдал тогтворжино. Стрессээс болж ходоод, хоол боловсруулах эрхтэнд асуудал үүсч магадгүй. Мөн нүдээ хайрлаж, нойроо зөв зохицуулаарай.

-Хилэнц -

Хамт ажиллагсадаас болж ажил дээр үймээн самуун, үл ойлголцол үүснэ. Эмх замбараагүй байдал дунд үндсэн асуудлаа шийдвэрлэх шийдлийг олж харах нь хамгийн чухал. Аливаа хямрал нь эргэлтийн цэг болж, шаардлагатай өөрчлөлтүүдийг авчирна. Санхүүгийн байдал хүндрэлтэй мэт байх ч таны карьерын хэтийн төлөв ирээдүйтэй харагдаж байна. Хайр дурлалын амьдрал танаас тэвчээр шаардана. Хүчтэй сэтгэл хөдлөл төрүүлэх үйл явдлууд болно. Ходоод, нуруутай холбоотой эрүүл мэндийн асуудал үүсч магадгүй. Ямар ч цаг үед өөрийнхөө эрүүл мэндийг нэн тэргүүнд тавиарай. Хоолны дэглэмээ хянаж, хэт их идэхээс зайлсхий. Санхүүгийн байдал сайжрах ч гэлээ ухаалаг зарцуулалт хийгээрэй. Ирээдүйтэй шинэ ажилд орох боломж гарч магадгүй. Гэхдээ ухаалаг байж, одоогийн байр сууриа эрсдэлд оруулах сонголтоос зайлсхий.

-Нум- 

Дөрөвдүгээр сар олон олон сорилт, боломжийг авчирна. Үймээн самуунтай өдрүүд үргэлжилж байгаа мэт боловч эцэстээ бүх зүйл танд ашигтайгаар шийдэгдэх болов уу. Гэр бүлийн бяцхан гишүүдийнхээ сайн сайхан байдалд нэн тэргүүнд анхаарал хандуулаарай. Хайр дурлалын харилцаа сарын эхэнд халуун дулаан, таатай байх ч сар ахих тусам гадны нөлөөллөөс болж үймж магадгүй. Хөндлөнгийн этгээдээс болж асуудал дэгдэх ч тэсвэр тэвчээрээр бүхнийг ялах боломжтой. Хүзүү, мөртэй холбоотой эрүүл мэндийн асуудал үүсч магадгүй. Мөн зүрхнийхээ эрүүл мэндийг хамгаалж, урьдчилан сэргийлэх арга хэмжээ аваарай. Санхүүгийн байдал тогтвортой байна. Гэхдээ гэр бүлийн гишүүдийн эрүүл мэндтэй холбоотой урьдчилан тооцоолоогүй зардал гарч болзошгүй. Сарын сүүлээр орлого нэмэгдэнэ.

-Матар- 

Бүтээлч төслөө хэрэгжүүлэх явцад саад бэрхшээл учирна. Замд таарсан саад бэрхшээл бүрийг эерэгээр хар. Эдгээр нь таны бүтээлийг сайжруулахад шаардлагатай, яг дутагдаж байсан бүрэлдэхүүн хэсгүүд ч байж болох юм. Ерөнхийдөө дөрөвдүгээр сар азтай байна. Таны амьдралын янз бүрийн талбарт өсөлт, сэтгэл ханамжийг амлаж байна. Энэ үеийг даван туулахдаа ажил, амьдралын тэнцвэрээ хадгалахыг хичээгээрэй. Таны карьерын хэтийн төлөв гэрэлтэй байна. Таны араар юу ч хийж мэдэх хуурамч хүмүүсээс болгоомжил. Гэр бүлийн гишүүний эрүүл мэнд санаа зовооно. Хайр дурлалын харилцаа олон өнгөтэй байна. Таны аз жаргалтай байдлыг хүлээн зөвшөөрч чаддаггүй зарим хүнээс болгоомжил. Шүд, мөр, хүзүүний эрүүл мэндэд асуудал үүсч магадгүй. Орлогын өөр эх үүсвэрийг нээлттэй хүлээж аваарай. Гэхдээ мэдээж зардлаа ухаалгаар хяна.

-Хумх- 

Заримдаа бүх зүйл төлөвлөсний дагуу болохгүй. Гэлээ гээд бүү гуньж гутраарай. Энэ нь таныг илүү зөв зам руу түлхэж байгаа ч юм билүү. Энэ сард та мөнгө санхүү, орон сууцны асуудлаа шийдвэрлүүлж чадна. Амьдралын хэв маягаа эргэн харж, зарим зүйлийг засч залруулах шаардлага тулгарна. Заримдаа таны сэтгэл хөдлөл галзуу хулгана дээр суусантай л адил байна. Амьдралын янз бүрийн салбарт холимог үр дүн таныг хүлээж байна. Хайр дурлалын харилцаанд үл ойлголцол үүсч магадгүй. Гэхдээ чин сэтгэлийн яриа романтик харилцааг гүнзгийрүүлнэ. Эрүүл мэнддээ анхаарал хандуулаарай. Хөнгөн тэжээллэг хоол идэх, тогтмол алхахыг зөвлөж байна. Санхүүгийн байдал тогтвортой байна. Бизнес эрхлэгчид хөрөнгө оруулалт хийхдээ болгоомжтой бай. Хүмүүстэй хамтран ажиллахад төвөгтэй байж болохо ч хамтын ажиллагаа л ахиц дэвшилд туслана.

-Загас- 

Загасны ордныхныг сайнтай муутай дөрөвдүгээр сар хүлээж байна. Санхүү, эрүүл мэндтэй холбоотой асуудал үүснэ. Гэхдээ сар ахих тусам байдал илүү дээрдэж, өсөлт, ахиц дэвшил ирнэ. Хайр дурлалын харилцаа гуравдагч этгээдээс болж үймж магадгүй. Гэхдээ эв найрамдал, энхрий дотно харилцаа тань сар ахих тусам эргэн ирнэ. Өөртөө анхаарал халамж тавиж, тэнцвэртэй хоолны дэглэм бариарай. Бие тань эвгүйцсэн тохиолдолд цаг алдалгүй эмчээс зөвлөгөө авах хэрэгтэй. Санхүүгийн байдал сарын эхээр хүндхэн байх ч гэлээ сарын сүүлээр өсөлт, тогтвортой байдлын боломжууд гарч ирнэ. Хадгаламж болон ухаалаг шийдвэрийнхээ ачаар анхны шуургыг даван туулж чадна. Ахиж дэвшиж, шинэ төсөл хэрэгцүүлэх боломжууд гарч, шагнал урамшууллын хур бууна. Сайн төлөвлөгөө, тууштай байдал бол таны гарт байгаа гол хөзөр гэдгийг санаарай.