Монголын 3х3 төрлийн эрэгтэй, эмэгтэй шигшээ багууд Сингапур улсад болсон Азийн аварга шалгаруулах тэмцээнээс хос мөнгөн медаль жингэнүүлэв. Тэгвэл бид та бүхэнд багийнхаа хожлын түүчээ байсан О.Хулангийн тухай сонирхолтой 10 баримтыг дэлгэж байна. 

Баримт 1

Тэрбээр 1999 оны долдугаар сарын 27-нд мэндэлжээ. Удахгүй 25 нас хүрнэ. 

Баримт 2

Биеийн өндөр 180 см, жин 65 кг. 

Баримт 3

Тэрбээр 2020 оны олимпын наадамд эх орноо төлөөлөн оролцож, багаараа шагналт наймдугаар байрт шалгарчээ. Тэгэхдээ тэр тугч хийж байлаа. 

Баримт 4

Тэр МУИС-ийг санхүү, менежментийн чиглэлээр төгссөн.

Баримт 5

Тэр ЕБС-ийн ахлах ангид байхаасаа сагсан бөмбөг сонирхож эхэлсэн. Харин оюутан болоод сагсан бөмбөгөөр тууштай хичээллэн, амжилт гаргаж, үндэсний шигшээ багийн гишүүн болжээ. 

Баримт 6

Тэр 23 нас хүртэлх насны ДАШТ-ий тавдугаар байрын шагналтай.

Баримт 7

Тэр ахаасаа хамгийн их үлгэр дууриал авдаг бөгөөд Малдив улсад болсон Азийн клубуудын АШТ-ээс ахтайгаа хамт медаль авсан. Мөн хоёулаа MGL3X3 лигт түрүүлсэн. Түүний ах одоо "Эрдэнэт Майнерс" багт зүтгэдэг. Харин Хулан "Амазонс" багт тоглож байна.

Баримт 8

Тэрбээр 18 настай байхдаа их сургуулийнхаа шигшээ багт орж, сагс тоглож эхэлсэн. Улмаар нэгдүгээр курсээ төгсөх жил оюутны лигийн аварга болж, үнэ цэнэтэй тамирчны шагналыг авчээ. Энэ үед шигшээ багийн дасгалжуулагч байсан С.Тулга түүнийг анзаарч, оюутны Азийн аварга болох гэж байна бэлтгэлд ирээрэй хэмээсэн гэдэг. 

Баримт 9

О.Хулан NBA-ын тоглогчдоос Стефин Карриг шүтдэг.

Баримт 10

Тэрбээр дэлхийн чансаанд 54,654 оноотой 112 дугаар байрт бичигдэж байна. 

Тэр хүрэл медаль хүртсэнийхээ дараа, "Бид медаль авна гэсэн бодолтой ирсэн. Монголын эмэгтэй шигшээ багт анхны Азийн аваргын медаль ирж байна. Бид түүх бүтээж байна. Баярлалаа Сингапур, баярлалаа Монголчууддаа... Бид удаан хугацааны туршид олог хожигдол амссан. Энэ медалигй хүртсэнээрээ бид өөрсдийгөө сайжирч байгааг баталж байгаа. Энэ бол бидний хувьд маш том зүйл. Үргэлж дэмжиж байдаг Монголчууддаа баярлалаа" хэмээв. 

Л.Сайнаа