Тайвань, Япон, Филиппин улсууд цунамигийн сэрэмжлүүлгээ цуцалж байгааг орон нутгийн онцгой байдлын алба мэдээллээ. Өнөө өглөө Тайваньд 7.4 магнитудын хүчтэй газар хөдлөлт болсны дараа Тайванийн эрэг болон Японы баруун өмнөд хэсэгт орших арлуудад цунамигийн давалгаа ажиглагджээ. Гэвч эдгээр ямар нэгэн томоохон хохирол учирсан талаар мэдээлэл байхгүй хэвээр байна. 

Тайваньд газар хөдлөлтийн голомтоос өмнө зүгт 100 км зайд орших Ченггонг хотод цунамигийн өндөр бараг хагас метр хүрчээ. Ажиглагдсан цунамигийн өндрийг ил задгай усан дээгүүр хэмждэг бөгөөд эрэгт хүрэхэд мэдэгдэхүйц өндөрт хүрч болно.

Японд 0.3 метрийн давалгаа Окинава аралд нөлөөлсөн гэж Наха нисэх онгоцны буудлын хэвлэлийн төлөөлөгч Хидеаки Цуродо CNN-д мэдээлсэн боловч ямар ч долгион ирээгүй тул удалгүй сэрэмжлүүлгийг цуцлав. Филиппиний Галт уул судлал, газар хөдлөлт судлалын хүрээлэнгээс газар хөдлөлтөөс хойш "далайн түвшинд мэдэгдэхүйц өөрчлөлт гараагүй" гэж мэдэгдэв.

Гуам, Индонез, Хойд Мариана, Палау, Филиппин, Өмнөд Солонгос, Вьетнам, Яп зэрэг эрэгт 0.3 метрээс бага хэмжээтэй цунамигийн давалгаа ажиглагдаж байна. 

Л.Сайнаа