Саудын Арабын Супер цомын төлөөх хагас шигшээ шатны тоглолтууд өнгөрсөн шөнө болов. Криштиано Роналду, Садио Мане тэргүүтэй  "Аль-Насср" клуб, "Аль-Хилал" багт 2:1-ээр хожигдон тэмцээнээ өндөрлүүллээ. 

Португалийн мэргэн бууч Роналду тоглолтын үндсэн цаг дуусахаас дөрвөн минутын өмнө өрсөлдөгч багийнхаа тоглогчийг тохойлдож, улаан хуудсаар торгуулж, талбайгаа хөөгдсөн юм. 

Тоглолтын 62 дахь минутад Серж Милинкович-Савичийн дамжуулалтаар Салем Аль-Давсари тооны харьцааг нээсэн. Эл гоолоос арван минутын дараагаар бразил довтлогч Малком багийнхаа тэргүүллийг баталгаажуулсан гоолыг хөндлөн дамжуулалтаар мөргөж оруулсан юм. 

Л.Сайнаа