БАРИМТ 1
Монгол Улсын Их Хурлын гишүүн Ганибалын АМАРТҮВШИН. Брюссель дахь Европын их сургууль, бизнесийн удирдлага, бакалавр зэрэг, АНУ-ын Харвардын Бизнесийн их сургууль, бизнесийн удирдлагын магистрын зэрэг авсан.
БАРИМТ 2
Англи, Орос, Франц, Герман, Голланд хэлтэй.
БАРИМТ 3
Нэрт орчуулагч, соён гэгээрүүлэгч, зохиолч Бямбаа Ринченгийн зээнцэр. Эмээ Р.Индра, Хөдөө аж ахуйн Их сургуулийн ректор, өвөө Н.Жагварал дээрээ өссөн.
БАРИМТ 4
Г.Амартүвшин гишүүн “1974 оны 06 дугаар сарын 26 –ны өдөр Зөвлөлт Холбоот Улсад төрснийг, УБ хот СБ районы төрсний бүртгэлд 1974 оны 10 сарын 31 ны өдөр бүртгэв” гэж УБЕГ-аас тодорхойлсон боловч, “Гурван үеийн намтар”-таа “Миний би 1974 оны 6 дугаар сарын 26 –нд Улаанбаатар хотод төрсөн” гэж, мэдэн будилсан байдаг.
БАРИМТ 5
Г.Амартүвшин гишүүний өвөө Бямбаа Ринчен мөн эсэх дээр бас нэгэн баримт дэлгэгдсэн нь “Буриадын их эрдэмтэн, соён гэгээрүүлэгч, дипломат Даш Сампилон 1929 он Зөвлөлтийн эсрэг ажилласан гэх хэргээр 10 жилийн ял авч, 1938 онд харамсалтайгаар буудуулсан. Тэрээр шавь Б.Ринченд өөрийн эхнэр Раднаа, охид Д.Нямаа, Д.Индра нарыг харж хандахыг хүсч, таарч тохирвол гэр бүл болохыг хүссэн бөгөөд, Б.Ринчен ч багшийнхаа хүсэлтийг биелүүлэн Раднаатай олон жил сайхан амьдарч, охидыг нь өндөр боловсролтой хүмүүс болгон өсгөж хүмүүжүүлсэн” гэжээ. Эндээс дүгнэхэд төрсөн биш өсгөсөн өвөө болж таарав.
БАРИМТ 6
Хасын Ганхуяг “Гадаадад сурч буй хүнийг нутагт авчирсан хүн нь, би өөрөө. Гэхдээ ийм хулгайч, худалч, урвагч гэдгийг нь мэдээгүй. Нэг өдөр МАН-ын гишүүн болоод Бага хуралд дэвшээд, нэг өдөр сонгуульд нэр дэвших мандатаа авчихлаа. Өвөг дээдсээр нь хүнийг УИХ-д сонгоно гэдгийг ойлгохгүй байна. Монгол Төрийн босго өндөр байх ёстой” хэмээн мэдэгдсэн.
БАРИМТ 7
Мэдэгдлийн дараахан нь Г.Амартүвшинд Голланд улсын Цог Жавхлант Хатан хаан Голландын иргэний харьяаллыг 2007 оны нэгдүгээр сарын 15-ны өдөр олгосон тухай яриа гарсан.
БАРИМТ 8
Г.Амартүвшин гишүүн, зөвхөн Нидерланд бус АНУ-ын иргэншил авч байсан тухай, АНУ-гийн ЗГ-ын шийдвэрийн хэвлэдэг албан ёсны эд аж сайтаас, “2011 онд АНУ-ын иргэншлээс хасагдсан хүмүүсийн нэрс дотор Hannibal Amar” гэсэн нэр байгааг сайтууд шуугиад авсан.
БАРИМТ 9
Г.Амартүвшин гишүүний анхны эхнэр нь АНУ-ын иргэн Елизбат Гессон бөгөөд, 2001 онд гэр бүл болж, 2006 онд хоёр ихэр охинтой болжээ. Эхнэр 1971 онд төрсөн, Сиско Системз компанид санхүүгийн менежереер ажилладаг юм байна.
БАРИМТ 10
Г.Амартүвшин гишүүний удаах эхнэр Б.Дэлгэрмаа Монголчуудын нүдийг орой дээр нь гаргасан алдарт LV-г Монголд оруулж ирсэн. Харамсалтай нь доор нь ажилладаг хүмүүс хуурамч зах зээлээс A copy бараа оруулж ирж дэлгүүрийг нь хаалгасан гэдэг.
БАРИМТ 11
Харин Г.Амартүвшинг УИХ-ын гишүүн болсных нь дараахан Нидерланд улсаас Монголд суух Өргөмжит консулаар томилогджээ.
БАРИМТ 12
Г.Амартүвшин 2019 оны 05 дугаар сарын 21-ний өдөр Хөгжлийн банкны захирлаар томилогдож, тухайн оны 12 дугаар сар хүртэл ажиллахдаа гурван компанид 66 тэрбум орчим төгрөгийн зээл олгожээ.
БАРИМТ 13
Тэдний нэг нь өөрийн найзууд болох УИХ-ын гишүүн Х.Ганхуяг, Г.Дамдинням нарын хамаарал бүхий “Вертекс майнинг партнер” ХХК-д 33 тэрбумын зээл олгох шийдвэрийг гаргажээ.
БАРИМТ 14
Г.Амартүвшин найз нарынхаа “Вертекс майнинг партнер” ХХК-д зээл олгох шийдвэрийг “Хөгжлийн банк”-ны Гүйцэтгэх захирал байх хугацаандаа гаргаж, 33 тэрбумын шилжүүлгийг нь 2020.01.03-ны өдөр буюу ажлаа өгснөөсөө хойш шилжүүлгээ хийлгэсэн байдаг. “Вертекс майнинг партнер” ХХК-ийн захирлууд болох Б.Мөнхбат, Б.Батбаяр нарын баривчлагдан, саатуулагдаж байсан.
БАРИМТ 15
Хөгжлийн банктай нэр холбогдсон УИХ-ын гишүүн Г.Амартүвшин бүрэн эрхээсээ түдгэлзэж, шалгуулах хүсэлт гаргасан боловч, УИХ дахь МАН-ын бүлэг “УИХ-ын Дэгийн тухай хуульд зааснаар УИХ-ын гишүүн бүрэн эрхээсээ түдгэлзэх хүсэлт өгөх эрхгүй” гэсэн үндэслэлээр татгалзсан. “Хуулиа мэддэггүй гишүүн үү, эсвэл шударга болж харагдах гэсэн жүжиг байсан уу” гэдэг нь асуулт болж үлдсэн.
БАРИМТ 16
Хөгжлийн банкны гэх хэргээр Сүхбаатар дүүргийн Эрүүгийн хэргийн анхан шатны шүүхээс Г.Амартүвшин нарын 80 гаруй хүнд холбогдох хэргийг хянан хэлэлцсэн бөгөөд, тэрбээр 49 насны төрсөн өдрөөрөө Монголын шүүхээс “ТОМ БЭЛЭГ” авсан хэрэг нь цагаадсан байна.
БАРИМТ 17
АН-ынхан УИХ-ын сонгуулийн 29 дүгээр тойрогт буюу Хан-Уул дүүрэгт МАН-аас нэр дэвшиж буй Г.Амартүвшингийн нэрийг татуулах асуудлаар хүсэлтийг гаргаж байсан.
БАРИМТ 18
Дугуй унах хоббитой. Өдөр бүр дугуй унаж,бэлтгэл хийдэг бөгөөд сонирхогчдын оролцдог Франц, Италийн хил дээр Альпийн нурууг давдаг Tour de France уралдаанд оролцож, 181 км зогсолтгүй дугуй унаж, болзол хангаж медалиа авч байжээ.
БАРИМТ 19
“Монгол ТВ” телевизээр үзэгчдэд хүрсэн “Шарк Танк” шоу нэвтрүүлгийн шаркаар оролцсон Г.Амартүвшин, 65.000 төгрөгийн үнэтэй, өнгө өнгийн урт түрийтэй оймсоороо имиж хийж, олон нийтэд танигдсан гэдгээ хүлээн зөвшөөрдөг.
БАРИМТ 20
Г.Амартүвшин гишүүн олон төрлийн дэлхийн алдарт брэндийн цагтай бөгөөд, тэдний нэг нь АНУ-ын одоогийн Ерөнхийлөгч Biden-гийн зүүдэгтэй ижилхэн Rolex Datejust брэндийн 7000 ам. Доллараар үнэлэгдэх цагаар гангардаг байна.
БАРИМТ 21
Г.Амартүвшин гишүүн ярилцлагандаа дөрвөн хүүхэдтэй гэдэг боловч, эхнэр Б.Дэлгэрмаа нь В.Ананд, А.Анир гэдэг хоёр хүүхэдтэй хэмээн ярьдаг. Тэдний хүүхдүүдийн нэг В.Ананд “Авьяаслаг Монголчууд 2018” шоуны шилдэг оролцогчдын нэгээр шалгарч байжээ.
БАРИМТ 22
Тэрбээр өөрийн амьдрал, ажил карьерын тухай өгүүлсэн “Эргэлт, сонголт” номоо бичиж хэвлүүлсэн. Энэхүү номд зохиогч өнөөдрийн “Амараа шарк”-ийг хэрхэн бий болсон талаар намтар түүхээ хүүрнэсэн байдаг.
БАРИМТ 23
Тэрбээр Кристофер Ноланы найруулсан Батмэний 3 ангид,Оддын дайн кинонуудад дуртай аж.
БАРИМТ 24
Мөн Харвардын Бизнес Тойм сэтгүүлийг унших их дуртай гэнэ. Түүний хамгийн алдартай 5 агшин
