Саяхан бидэнд тун харамсалтай мэдээ ирсэн нь дэлхийн өндөрлөг Эверест ууланд сураг алдраад байсан Монголын уулчин 53 настай Ц.Өсөхжаргалын цогцос олдсон тухай мэдээлэл байв. Түүнтэй хамт явсан 31 настай Л.Пүрэвсүрэн сураггүй хэвээр буй. 

Ц.Өсөхжаргалын цогцсыг Эверестийн 8550 метрийн өндөрт байхад нь олсон гэнэ. Энэ тухай уулчин Б.Гангаамаа "Катмандугаас 8К компаний захирал Пемба 11:14 цагт холбогдлоо. Эрлийн Шерпа өнөөдөр өглөө 8600 м орчмоос Өсөхжаргалын маань цогцсыг олсон бөгөөд нөгөө уулчин олдоогүй гэлээ" хэмээн нийтэлжээ. 

Алга болоод 100 гаруй цаг өнгөрч, Монголын ард түмэн тэднийг эсэн мэнд байгаад залбирсан ч нэгнийх нь цогцос ийнхүү олдож, улс даяар эмгэнэлийн хар сүүдэр бүрхэв. Хэдийгээр тэр Эверестийн оргилд гарахад хэдхэн метр дутсан ч түүнээс өндөрт дүүлэн нислээ. Ум сайн амгалан болтугай. 

Л.Сайнаа