2024 он дэлхийн хамгийн дулаан жилүүдийн нэг болох төлөвтэй байгаа тухай цаг уурын станцууд сануулсааар байна. Бидний одоо танилцуулах гэж буй жагсаалтад Азийн ямар орны далайн эрэг багтаагүйг та анзаараарай. “Нүцгэн байх нь секстэй ямар ч холбоогүй. Натуристуудын хувьд энэ бол амьдралын философи бөгөөд байгалийн араншин гэлцдэг. Аль эртнээс яруу найрагч, зураач, найруулагчдын төсөөллийн өнцөг, өнгө байсаар эдгээр газрууд таны аяллын төлөвлөгөөнд байв зохилтой. Бид та бүхэнд 2024 онд чиж үзэх боломжтой 24 шилдэг нүцгэн наран шарлагын газруудыг танилцуулж байна.
Плайа Натуриста Чихуахуа, Уругвай
Пунта-дель-Эсте хотоос 30 минутын зайд орших Уругвайн хамгийн алдартай нүцгэн наран шарлагын газар нь Атлантын далайн эрэг дээрх Портезуэло буланд байдаг. Дэлхийн өмнөд хагас бөмбөрцгийн өвлийн улиралд ч 25С ба түүнээс дээш хэмд хүрдэг.
Хэдэн арван жил албан бусаар үйл ажиллагаагаа явуулж ирсэн ч эцэст Чихуахуа 2000 онд хууль ёсны статустай болсон.
Тэр цагаас хойш тохижилтын хүрээ өргөжиж, зочид буудал El Refugio Nudista Naturista хувцасны сонголттой амралтын газар болжээ.
Нида далайн эрэг, Литва
Сэрүүн Балтийн тэнгис нь эрэг нь биеэ шарахад тохирох газар биш юм шиг санагдаж магадгүй юм. Гэхдээ урт, элсэрхэг энэхүү гоёмсог эрэг нь Европын хамгийн үзэсгэлэнтэй газруудын нэг гэдгээрээ алдартай.
Зэрлэг цэцэгсээр бүрхэгдсэн манхан, Европ дахь хамгийн өндөрт тооцогддог эргийн модтой уг далайн эрэг нь 19 дүгээр зууны зураачдын сэдэв байсан гэгддэг. Тухайн үеийн шилдэг зураач, яруу найрагч, зохиолчдын анхаарлыг татдаг байсан нь хэр үзэсгэлэнтэйг нь илтгэнэ.
Урд зүгт хэсэг алхвал эцэст нь Литва-Оросын хилийг тэмдэглэсэн хашаанд хүрдэг гэлцэнэ.
Агеста далайн эрэг, Швед
Швед улс нүцгэн байхыг хүлээн зөвшөөрдөг олон наран шарлагын газартай байж болох ч Стокгольмоос өмнө зүгт 15 км зайд орших Агеста наран шарлагын газар нь тэндхийн цорын ганц албан ёсны нүцгэн наран шарлагын газар юм.
Магелунген нуурын өмнөд хэсэгт байрладаг Агеста наран шарлагын элсэн эрэг нь орон нутгийн иргэд төдийгүй хөл хөдөлгөөн ихтэй суурин газраас зугтахыг хүсэж буй жуулчдын хувьд эрдэнэ л гэсэн үг.
5-9-р сар хүртэл нээлттэй энэ далайн эрэг маш сайн тохижилттой. Пикник ширээ, чихэрлэг тахиан махан хоол, нийтийн угаалгын өрөө, хүүхдүүдэд зориулсан тоглоомын талбайтай.
Бяцхан Палм эрэг, Вайхеке, Шинэ Зеланд
Хэдийгээр эрх чөлөөг эрхэмлэдэг Шинэ Зеландын аль ч далайн эрэг дээр нүцгэн явах нь техникийн хувьд хууль ёсны байдаг ч тус улсын байгаль судлаачид Вайхеке арал дээрх Литл Палм эрэг гэх мэт алдартай газрыг зөвлөх нь олонтоо.
Тусгаарлагдсан замд хүрэхийн тулд Оклендээс гатлага онгоцоор 40-60 минут явах, таксигаар явах эсвэл арлын хойд эрэг эхэлж хүрээд дараа нь уруудсан богино алхалт хийх шаардлагатай.
Та "Waiheke"-н олон дарсны үйлдвэр, ресторан, урлагийн галерейд далайн эрэг дээрх адал явдалт аялалаа дуусгаж болно.
Нугал далайн эрэг, Хорват
Брач арлын эсрэг талд орших эх газрын нарийхан хадан цохио, сүүдэрт нарс модоор бүрхэгдсэн энэхүү алслагдсан наран шарлагын газар нь олон адал явдалд уриалан дууддаг.
Юун түрүүнд та зузаавтархан алчуур эсвэл бүр далайн эргийн сандал авчрахаа мартуузай. Хорватын олон наран шарлагын газруудын адил гадаргуу нь элс биш хайрга байдаг учир нь ингэж зөвлөж буй хэрэг.
Нугал нь хамгийн ойрын хотоос хагас цаг орчим алхах зайтай боловч Макарска эсвэл Тучепигаас далайн завиар явах боломжтой.
Мошуп далайн эрэг, Массачусетс мужийн Марта усан үзмийн талбай
Калифорниа мужийн Ла Жолла дахь Хар далайн эрэг
Торрей Пайнсын өндөр хадан цохионы доор байрлах Блэкс нь 50 гаруй жилийн турш Алтан мужийн хамгийн алдартай газар байсаар ирсэн бөгөөд нэг үе АНУ-д хууль ёсны цорын ганц нүцгэн наран шарлагын газар байсан юм.
Сан Диегогийн Калифорнийн Их Сургуулийн ойролцоох Торрей Пайнс Глайдерпортоос хадан цохионы оргилоос Хо Ши Мин мөрний замаар явсаар урт, өргөн, гайхалтай гэгддэг уг далайн эрэгт хүрдэг.
Lady Bay Beach, Сидней, Австрали
Хэдийгээр Австралийн аль ч далайн эрэг нь хувцасны сонголттой мэт санагддаг ч энд "Lady Bay" зэрэг албан ёсны нүцгэн наран шарлагын газрууд байдаг.
Сиднейн боомтын ойр байрладаг уг газар хүний хүслэн гэж хэлж болно. Өмнөд толгодын эргэн тойрон дахь чулуурхаг буланг мөн нүцгэн наранд шарах зориулалтаар ашигладаг.
"Buhne 16", Sylt, Герман
Зуны улиралд усны дундаж температур 17С дулаан байдаг Хойд тэнгисийн арлын оршин суугчдын уриа нь "Инээ, нүцгэл" байж магадгүй юм.
Ерөнхийдөө эндхийн бүх наран шарлагын газрууд нүцгэлхийг хүлээн зөвшөөрдөг ч "Buhne 16" нь Германы эрэг дагуу нүцгэн наранд биеэ шарахад зөвшөөрөгдсөн хамгийн анхны газар хэвээр байна.
Энэ нь далайн эргийн жуулчид алдартай цэнхэр, цагаан судалтай зэгсэн наран шарлагын сандал дээр амрах эсвэл үдэшлэгт зугаацах боломжтой газар юм.
Wreck Beach, Ванкувер, Канад
Дэлхийн хамгийн урт наран шарлагын газруудын нэг гэж тооцогддог 7.8 км урттай, "Wreck Beach" нь элсэрхэг судал, хайрга, хад чулуурхаг бүтэцтэй.
Бритиш Колумбын их сургууль эрэг дагуу байдаг тул 1970-аад оны эхэн үеэс эхлэн алдартай болсон энэ эрэг дээр багш, оюутнууд байнга байсан.
Эргийн дагуух мөнх ногоон мод, мөсөн уулсын нүүдэл Канадын уур амьсгалыг мэдрүүлдэг.
Улаан эрэг, Крит, Грек
Критийн өмнөд хэсэгт орших энэ эрэг нь Грекийн наранд биеэ шарах хамгийн халуун цэг юм.
Улаан эрэг нь улаан элс, хадан цохионуудын өнгөөр нэрлэгдсэн бөгөөд Матала хотоос 20 минутын зайтай явган аялал эсвэл тосгоны эргээс маш богино завиар явах замыг танд санал болгоно.1960-аад оны үед Евро хиппиүүдийн анхлан үүсгэн байгуулсан уг далайн эргийн газар нь сандал, шүхэр түрээслэх үйлчилдэг бөгөөд можитогоор алдартай Yianni's хэмээх жижигхэн баартай.
Далайн эрэг дээрх нууцлаг хадны сийлбэрүүд нь орчин үеийн бүтээл бөгөөд мэдээжийн хэрэг эртний Миноаны дурсгал биш юм.
Калланцоог далайн эрэг, Нидерланд
Калланцоог бол 1973 оноос хойш албан ёсоор нүцгэн наран шарлагын газар хэмээн хүлээн зөвшөөрөгдсөн Нидерландын хамгийн эртний нудист наран шарлагын газар юм.
Амстердамаас хойд зүгт 60 км зайд далайн эргийн Калланцоог хотын ойролцоо орших энэхүү үзэсгэлэнт элсэрхэг эрэг нь далайн хавтай уулзахад тохиромжтой газар юм.
Байгальд илүү ойртох хүсэлтэй хүмүүс Европ дахь хамгийн том байгалийн манхан нууруудын нутаг дэвсгэр болох Званенватерт зочлох боломжтой.
Ансе де Гранде Салин, Сент Бартс
Карибын тэнгис нь гайхалтай, сэрүүн наран шарлагын газруудаар дүүрэн байж болох ч Сент-Бартсын арын хэсэгт орших энэхүү зэрлэг, цагаан элсэн эрэг нь олон нийтийн дунд нүцгэн байхыг хүлээн зөвшөөрдөг цөөхөн газрын нэг юм.
Жуулчид эрэг дээр нэг өдрийн турш хэрэгтэй бүх зүйлс, ялангуяа нарнаас хамгаалах тосыг авчрах хэрэгтэй. Учир нь энд ямар ч сүүдэр байхгүй.
Платжа дес Каваллет, Ибиза, Испани
Ибизагийн хамгийн өмнөд цэгийн ойролцоох Газар дундын тэнгисийн гүн цэнхэр, олон өнгийн давст, албан ёсны нудист наран шарлагын газар нь далайн эргийн үдэшлэг, ижил хүйстнүүдийн очих дуртай газар гэдгээрээ алдартай.
Гэсэн хэдий ч нүцгэн наранд шардаг хүмүүс л зөвхөн энд ирдэггүй. Харин гүехэн давсархаг газарт цугларах дуртай фламинго шувууны орон юм.
Бяцхан далайн эрэг, Мауи, Хавай
Эртний лаавын урсгалаар хүрээлэгдсэн, галт уулын шохойгоор Бяцхан далайн эрэгт та хувцасаа тайлж чадахгүй байсан ч гайхалтай байж чадна.
Арлын зүүн өмнөд эрэгт орших Макена улсын цэцэрлэгт хүрээлэнгийн нэг хэсэг бөгөөд далайн яст мэлхий, далайн гахай, халим, халуун орны загасаараа алдартай үндэсний далайн дархан цаазат газартай.
Кап д'Агде далайн эрэг, Франц
"Нүцгэн хот" гэж нэрлэгддэг Cap d'Agde Naturist Village нь дэлхийн хамгийн том далайн эргийн амралтын газар бөгөөд аль ч улиралд хамгийн багадаа 40 мянган зочин хүлээн авдаг гэнэ. Энд танд хэрэгтэй бүх юм бий. Оршин суугч бус хүмүүс натурист зочид буудал, зуслангийн газар эсвэл түрээсийн байранд хонож болно.
Бенас наран шарлагын газар, Сардиниа, Итали
Сардини улсын баруун эрэг дагуу, Сан Веро Милис хотын ойролцоо байрладаг Ис Бенас нь алслагдсан, онгон байгальтай гэдгээрээ алдартай.
Энэхүү үзэсгэлэнт далайн эрэг нь сүүлийн хоёр жилийн турш байгаль судлаачдын бай болоод байна.
Далайн эрэг нь илүү алдартай Ис Аренасын далайн эргийн яг хажууд байдаг. Мөн Ромын Тарросын балгас ч бас ойролцоо байдаг.
Мпенжати далайн эрэг, КваЗулу-Натал, Өмнөд Африк
Өмнөд Африкийн цорын ганц албан ёсны нүцгэн наран шарлагын газар. Энэ нь 2014 онд хууль ёсны статустай болсон боловч ширтэхгүй, гэрэл зураг авахгүй, төвөг удахгүй байх гэх мэт хоригтой. Орон нутгийн лам нар болон бусад хүмүүс нүцгэн гэх статусыг эсэргүүцсэн жагсаал цуглаан хийсээр байна.
Playa Zipolite, Оаксака, Мексик
Гаэль Гарсиа Берналын тоглосон 2001 оны Мексик киноны олон үзэгдлийг уг газарт авсан гэдэг. 1960-аад оны үед Мексик, Америкийнхны анхлан үүсгэн байгуулсан уг эрэг нь хоёр километр орчим үргэлжилдэг. Хоёр талдаа хадан цохиотой.
Спиаггиа ди Гувано, Вернаца, Итали
Үзэсгэлэнт Cinque Terre дээр байрлах Италийн анхны нүцгэн наран шарлагын газар нь кино дээрхээс ч сайхан харагддаг. Далайн эргийн нууцлаг байдлыг нэмж хэлэхэд Корниглиа тосгоны зам дээрх хуучин, хаягдсан төмөр замын хонгилоор таныг заавал аялуулна. Учир нь энд ирэхийн тулд хүмүүс уг харанхуй замыг сонгодог.
Далайн эрэг нь элс гэхээсээ илүү хайргатай боловч ус нь тунгалаг, цэвэр, гоёмсог юм.
Вечаки далайн эрэг, Рига, Латви
Нарс модоор бүрхэгдсэн энэхүү Латвийн наран шарлагын газар нь үзэсгэлэнтэй, бас тайван байдаг.
Нийслэл Рига хотоос холгүй, Вечаки галт тэрэгний буудлаас харьцангуй ойр зайд байрладаг тус хот нь гялалзсан ус, гайхалтай нар жаргах агшинг танд мэдрүүлнэ.
Тус улсын хамгийн том нүцгэн наран шарлагын газар гэгддэг тус бүсэд далайн эргийн волейболын талбай багтсан нь нутгийн оршин суугчдыг ихэд татдаг.
Haulover Beach Park, Майами, Флорида
АНУ-ын хамгийн алдартай олон нийтийн нүцгэн наран шарлагын газар болох "Haulover" нь жил бүр 1.3 сая гаруй хүмүүсийг цагаан элс, бүлээн усандаа татдаг. Энд аврагч хүртэл бий. Флоридагийн өмнөд хэсэгт байгалийн үзэсгэлэнгээс өөр юу ч байдаггүй гэлцдэг.
Л.Сайнаа
