НЦУГ-аас “Галзуу хулгана” тоглоом тоглоод буух үедээ нас барсан иргэн болон Өмнөговь аймагт гарсан хэргийн талаар ЦЕГ-ын урьдчилан сэргийлэх газрын ахлах мэргэжилтэн, цагдаагийн хошууч С.Баярбилэг дараах мэдээллийг өглөө. 

Тэрбээр "Тавдугаар сарын 29-ний 15:50 цаг орчимд цагдаагийн байгууллагад Сүхбаатар дүүргийн нэгдүгээр хороо үндэсний цэцэрлэгт хүрээлэн паркд галзуу хулгана тоглоом дээр тоглож байсан залуу бууж ирээд нас барлаа гэсэн мэдээлэл бүртгэгдсэн. Шалгалтын явцад тухайн иргэн галзуу хулгана дээр тоглож байгаад бууж ирэхдээ ухаангүй байсан учраас эмнэлгийн байгууллага дуудаад үзүүлэхэд нас барсан нь тогтоогдсон. Одоогоор нас барсан шалтгаан бусад нөхцөлийг шалгуулахаар ажиллаж байгаа буюу задлан шинжилгээ хийгдэж байгаа. Галзуу хулганаас хөл алдсан, халтирсан гэх ташаа мэдээллүүд явж байна. Иймд аливаа асуудлын талаар цензуртэй, бодит эх сурвалжтай мэдээллийг хүргэхийг хүсч байна" гэв.