Баримт 1
Түүний бүтэн нэр Кристиано Роналду душ Сантос Авейру юм. Роналду гэдэг нь овог биш хоёр дахь нэр нь юм. Түүний аав АНУ-ын Ерөнхийлөгч асан Роналд Рейганыг шүтдэг байсан учир хүүдээ нэрийг нь хайрлажээ.
Баримт 2
Ээж нь тогооч, аав нь цэцэрлэгч байсан. Түүний багад тэдний амьдрал хүнд, ах дүү дөрвүүлээ нэг өрөөтэй байжээ.
Баримт 3
14 настай байхдаа Роналду багшруугаа сандал шидээд сургуулиас хөөгдсөн гэдэг. “Багш намайг хүндлэхгүй байсан” гэж тэр тайлбарлажээ. Тэр цагаас хойш Роналду хичээлээс илүү спортод амьдралаа зориулах ёстойг ойлгожээ.
Баримт 4
15 настай байхад нь түүний зүрхэнд эмгэг илэрч, хагалгаа хийлгэж байв. Цаашдын замналыг нь дуусгаж магадгүй байсан хагалгааг амжилттай давж, гуравхан хоногийн дараа тэр “Спортинг” багийнхаа бэлтгэлд очиж байсан гэдэг.
Баримт 5
Спортын бусад оддоос ялгаатай нь Роналду нэг ч шивээсгүй. Цусны гавьяат донор бөгөөд 2008 оноос “Улаан загалмай” нийгэмлэгийн элч төлөөлөгч болж, “Би шивээсгүй, яагаад гэвэл цусны донор” гэсэн сурталчилгаанд тоглож байлаа.
Баримт 6
Лиссабон хотын их сургуулийн эрдэмтэд 2015 онд нээсэн шинэ одоо Cosmos Redshift 7 буюу товчоор CR7 гэж нэрлэн, агуу хөлбөмбөгчид хүндэтгэл үзүүлсэн юм.
Баримт 7
2016 онд Португалийн Мадейра хотын нисэх буудлын нэрийг “Роналдугийн нэрэмжит олон улсын нисэх буудал” болгон өөрчилсөн. Энэ хотод Роналду төрсөн юм.
Баримт 8
Тэр бизнес төсөлд сая саяар нь хөрөнгө оруулдаг. 2006 онд Мадейра хотод CR7 брэндийн дэлгүүр нээсэн бол хоёр жилийн өмнө 5 одтой Pestana CR7 Hotel буудал төрөлх хотдоо байгуулсан.
Баримт 9
Түүний аав архины хамааралтай нэгэн байв. 52 насандаа нас барсан.
Баримт 10
2012 онд Роналду “Алтан пүүз” шагналаа зарж, Газын зурваст сургууль барьж өгсөн. Жилийн дараа “Алтан бөмбөг”-өө дуудлага худалдаанд оруулж, олсон мөнгөө хүнд өвчтэй хүүхдүүдэд хандивлаж байлаа.
Баримт 11
Роналдугийн намтрын хамгийн нууцлаг хэсэг нь 2010 онд төрсөн ууган хүү нь. Одоо хүртэл Роналду ээжийнх нь нэрийг зарлаагүй байгаа.
Баримт 12
Роналду “Хөлбөмбөгчид дунд сайн найз бараг байхгүй. Ихэнх цагаа ганцаараа өнгөрөөдөг. Би хүнд итгэдэггүй” гэж тэр ярьж байлаа.
Баримт 13
Роналду 1,87 см өндөр, 84 кг жинтэй.
Баримт 14
Их Британийн жүжигчин Жемматай 2007 онд үерхэж байжээ. Салсных нь дараа шар сэтгүүлийнхэн Роналдугийн тухай яриаг маш их мөнгөөр авахыг хүссэн ч бүсгүй зөвшөөрөөгүй гэдэг.
Баримт 15
Криштиану Nike-тай 2003 оноос хамтран ажиллаж байна. 2016 онд талууд насан туршийн гэрээ байгуулсан. Түүнээс гадна сагсан бөмбөгч Майкл Жордан, Леброн Жеймс нар л ийм гэрээ байгуулж байв.
Баримт 16
1985 оны хоёрдугаар сарын 05-нд мэндэлсэн, 39 настай.
Баримт 17
Манчестер Юнайтед багт 6 жил тоглохдоо 196 тоглолтод оролцож, 84 гоол оруулсан. Харин 2009–2018 онуудад Реал Мадрид байхдаа 292 тоглолтод, 311 гоол оруулжээ. Реалаас явсан даруй Ювентус багт нэгдэж, 98 тоглолтод 81 гоол оруулжээ. 2021 онд Манчестер Юнайтед багтаа эргэн ирж 40 тоглолтод 19 гоол хийсэн.
Баримт 18
2022 оны ДАШТ-ийн өмнөхөн багаасаа гарч, Португалын шигшээ багийнхаа сэлгээнд ДАШТ-ийг өндөрлүүлсэн. Энэ нь түүний хамгийн сүүлийн ДАШТ байв.
Баримт 19
2003 оноос улсынхаа төлөө тоглож эхэлжээ. Тэр багтайгаа 207 тоглолтод оролцож, 130 гоол оруулсан. Тэд ЕАШТ-ээс алт, мөнгө, хүрэлтэй.
Баримт 20
Роналдугийн том эгч Элма хөлбөмбөгчийн нэрийн CR7 брэндийг нь хариуцдаг. Уг бренд нь хувцас, үнэртэй ус үйлдвэрлэдэг юм. Харин бага эгч Катиа улсдаа алдартай дуучин аж.
Баримт 21
Түүний тухай нэгэн сэтгэл хөдлөм түүх байдаг. Түүний хамгийн сайн найз нь бага насандаа Nacional-д хамт тоглож байсан Альберт Фантрау. Нэгэнтээ, Фантрау болон Роналдугийн тоглодог клубт Лиссабоны “Спортинг”-ийн төлөөлөгч ирж, хэн илүү гоол хийснийг нь сонгон авна хэмээн амалжээ. Хоёр найз хоёулаа нэг, нэг гоол хийгээд байв. Ингээд Фантрау хаалгачийн өөдөөс харан зогсож, гоол хийх мөч ирэв. Тэрбээр ганц цохиод л гоол оруулахад бэлэн байлаа. Гэвч тэрбээр бөмбөгөө өшиглөсөнгүй, харин Роналдуд бөмбөг дамжуулан, Роналду ч энэ боломжийг алдаагүй гэнэ. Ингэж л Роналду “Спортинг”-ийн залуусын академид орж чаджээ.Тухайн үед найзынхаа хийсэн үйлдлийн учрыг Роналду шалгаахад Фантрау “Чи надаас сайн” хэмээн хариулсан байна.
Баримт 22
Роналдо таван хүүхэдтэй. Түүний том хүү 2010 оны зургадугаар сарын 17-нд АНУ-д төрсөн. Хүүхдээ бүрэн асран хамгаалж байгаа бөгөөд ээжтэй нь тохиролцсоны дагуу түүний хэн болохыг олон нийтэд зарлаагүй байна. 2015 оны нэгдүгээр сард Роналдо Оросын загвар өмсөгч Ирина Шейктэй таван жилийн харилцаагаа тасалсан. Роналдо 2017 оны зургадугаар сарын 08-нд АНУ-д тээгч эхийн зарчмаар төрсөн ихэр хүүхдийн эцэг болжээ. Тэрбээр 2017 оны арваннэгдүгээр сарын 12-нд охинтой болсон. Аргентин гаралтай Испани загвар өмсөгч Жоржина Родригестэй одоо үерхэж байгаа. Хосууд 2022 онд ихэр хүүхэд төрүүлэхээр төлөвлөж байсан. Гэвч нэг ихэр нь төрөх үедээ нас баржээ.
Баримт 23
2023 оны нэгдүгээр сард Роналдо Саудын Арабын Про Лигийн Аль Наср багтай гэрээ байгуулан гэр бүлийнхээ хамт Саудын Араб руу нүүсэн. Аль Наср багийн төлөө 47 тоглолтод оролцож, 49 гоол оруулаад байна.
Баримт 24
Түүнд аваагүй шагнал гэж үгүй. Гэвч ДАШТ-ийн цом, бусад шагналууд түүнд байхгүй. "Ballon d'Or"-ийг 2008, 2013, 2014, 2016, 2017 онд, "FIFA"-гийн оны шилдэг тоглогчийн шагналыг 2008 онд, "FIFA"-гийн шилдэг эрэгтэй тоглогчийн шагналыг 2016, 2017 онд хүртжээ.
Сэтгэгдэл (3)