БАРИМТ 1
Жигмэ Гэсэр Намжил Ванчук 2006 оны арванхоёрдугаар сарын 9-ний өдөр Бутаны Хаант Улсын Цог Жавхлант Хаанаар өргөмжлөгджээ. Улмаар 2008 оны арваннэгдүгээр сарын 6-ны өдөр Хаан ширээнд залсанаар 28 настайдаа "дэлхийн хамгийн залуу хаан" болсон юм.
БАРИМТ 2
Бутаны тав дахь хаан Балбын Катманду хотод 1980 оны хоёрдугаар сарын 21-нд Бутаны дөрөв дэх хаан Жигмэ Сэнгээ Ванчукийн ууган хүү болон мэндэлжээ.
БАРИМТ 3
Хималайн уулсын зүүн хэсэгт далайн түвшнээс 7,000 гаруй метрийн өндөрт орших Бутаны иргэд түүнийг "Ард түмний хаан" хэмээн нэрлэдэг байна.
БАРИМТ 4
Тэрбээр гэрэл зураг, урлагт шимтэгч, зохиолч, зураачдыг үргэлж дэмжигч ажээ. Бүтээн туурвигчдыг ордондоо үе, үе урьж залдаг аж.
БАРИМТ 5
Бутаны хаан Тимпу дахь улсын сургуульд суралцжээ. Улмаар угсаа залгамжлагч ханхүү байхдаа АНУ-д суралцаж байгаад Их Британийн Оксфордын их сургуулийн Магдален коллежийг Олон улсын харилцааны чиглэлээр суралцаж төгсжээ. Улмаар эх орондоо буцаж ирээд эцгийнхээ төрийн үйл хэрэгт тусалж эхэлсэн байна.
БАРИМТ 6
Тэр бол Бутаны 789.9 мянган иргэний удирдагч юм. Энэ улсын иргэдийн дундаж наслалт нь 72.7 юм.
БАРИМТ 7
Хаан ширээнд суусан даруйдаа ардчилсан үзлийг дэлгэрүүлж, ард нийтийн эрүүл мэндэд анхаарсан зүйл хийж, төрийн хүмүүсийн үйл ажиллагаанд орчин үеийн хэлбэрийг оруулжээ.
БАРИМТ 8
Ард түмнийхээ аж амьдрал, улс орноо алган дээр тавьсан мэт мэддэг учир тэрбээр иргэддээ хайрлагдан хүндлэгджээ.
БАРИМТ 9
Жигмэ Гэсэр Намжил Ванчук хаан 2011 онд Бутаны язгууртан гэр бүлээс гаралтай Жэцун Пема хэмээх бүсгүйтэй хуримласан. Тухайн үед Жэцун Пема 21 настай байсан бөгөөд хамгийн залуу хатанд өргөмжлөгдсөн. Ташрамд дурдахад, хааны хувьд сагсанбөмбөг тоглохоос гадна дугуй болон мотоцикл унах дуртай аж.
Сэтгэгдэл (5)