Хөлбөмбөгийн ЕАШТ-ий хасагдах шатны тоглолтоос шилдэг дөрвөн баг шалгарсан нь Испани, Франц, Нидерланд, Английн шигшээ багууд юм. 

Энэ жил хамгийн том найдвар тээж байгаа Английн шигшээ багийн тоглолт Нидерландын адилаар шат бүрд сайжирч байгаа. Испанийн шигшээ баг залуу авьяастнуудаар эгнээгээ зузуутгаж, хасагдах шатанд талбайн эзэн Германы багийг хассан. Харин Францын хүчирхэг баг хасагдах шатанд Роналдугаар ахлуулсан Португалын багийг гэрт буцаав. 

Энэ шөнө 03 цагаас тэмцээний шөвгийн дөрвийн тоглолтод Испанийн эсрэг Франц тулна. Харин маргааш нь шөнө нь Нидерланд Английн эсрэг тулна. 

Нийт зургаан хэсэгт багууд дөрөв дөрвөөрөө хуваагдан тоглосноос эдгээр багууд үлдээд байна. 

Тэмцээний А хэсэгт Герман, Шотланд, Унгар, Швейцарь, В хэсэгт Испани, Хорват, Итали, Албаниийн шигшээ багуууд багтсан. Харин С хэсэгт Словени, Дани, Серби, Англи, D хэсэгт Нидерланд, Франц, Польш, Австрийн шигшээ багууд багтсан бол сүүлийн E хэсэгт Украин, Словак, Бельги, Румын, F хэсэгт Португал, Чех, Гүрж, Туркийн шигшээ багууд багтаад байсан билээ. 

Л.Баяр