БАРИМТ 1
1999 оны долдугаар сарын 12-нд, баяр наадмын өдөр БӨХ болох гэж мэндэлжээ.
БАРИМТ 2
Булган аймгийн Сайхан сумын уугуул.
БАРИМТ 3
"Хилчин" спорт хороо, ХЦ-0208 анги, Нэгдэл клуб, Алист Констракшн ХХК-ийн бөх.
БАРИМТ 4
Биеийн өндөр 178 см.
БАРИМТ 5
Тэрбээр үндэсний бөхийн Аймгийн заан цолтой.
БАРИМТ 6
2017 онд анхлан Сумын харцага цолонд хүрсэн.
БАРИМТ 7
2021 оны Бүх цэргийн баяр наадмаар Цэргийн начин болж, дараа жил цолоо ахиулан харцага болсон.
БАРИМТ 8
Улмаар 2023 оны Орхон аймгийн баяр наадамд Хөвсгөлийн П.Хүрэлбаатарт унаж, Аймгийн заан цолонд хүрсэн хүчтэн.
БАРИМТ 9
Бөхийн өргөөнд том бөхчүүдтэй нугаран барилдаж, сандаргадаг бөхчүүдийн нэг. Чөлөөт бөхийн тамирчин учир тогтмол хөлд орох, давхар хамах мэхээ даалгадаг.
БАРИМТ 10
Тэрбээр өнөө жилийн Улсын баяр наадмын хоёрын даваанд түрүү бөхийн тааварт байсан Улсын харцага Б.Цэдэнсодномыг хаяж, таавар эвдсэн.
БАРИМТ 11
Өдгөө 25 настай түүний хувьд энэ удаагийн олимп анхных нь билээ.
БАРИМТ 12
Хил хамгаалах газарт ажилладаг.
БАРИМТ 13
Эхнэртэй. Тэд хамтдаа зааланд өнжих дуртай.
БАРИМТ 14
Анхны багш нь Б.Идэрсайхан.
БАРИМТ 15
Залуучуудын ДАШТ-ий мөнгө, хүрэл медальтай.
БАРИМТ 16
ОУХМ цолтой. Олимпын чансааны 13 дугаар байрт бичигдэж буй.
БАРИМТ 17
Олимпын аварга болох мөрөөдөлтэй.
БАРИМТ 18
Тэвчээр, хүмүүжил, сахилга бат, зөв хүн байх, тууштай зан нь түүний эрхэмлэдэг чанар ажээ.
Сэтгэгдэл (1)