Улсын Их Хурлын дарга Д.Амарбаясгалан өнөөдөр УИХ-ын гишүүдийн хамтаар Монголбанканд ажилласан билээ. Энэ үеэр Улсын Их Хурлын гишүүн Даваагийн Цогтбаатар, Банкны салбарын тогтвортой байдлыг хангахад активын чанар их чухал. Монголбанк арилжааны банкуудад ажиллахдаа активын чанарын үнэлгээгээ сайн хийх хэрэгтэйг сануулав.  Тэрбээр, Нэг мэдэхэд банканд асуудал үүсдэг. Хадгаламж эзэмшигчдийн болон төрийн мөнгө эрсдэлд ороод хоцордог. Үүний сонгодог жишээ Үндэсний хөрөнгө оруулалтын банк, Чингис хаан банк байна. Үйл ажиллагаа нь бараг зогсчихсон байхад Бүрэн эрхт төлөөлөгч томилдоггүй. Дампуурлын зарладаггүй атлаа Эрүүл мэнд, нийгмийн даатгалын сангийн мөнгөнүүд байршчихсан байдаг. Энэ чиглэлээр хариуцлагатай ажиллаасай гэж хүсэж байна хэмээлээ. УИХ-ын гишүүн Д.Цогтбаатар, Бүрэн эрхт төлөөлөгч томиллоо ч банкнаас гарах ёстой өр төлбөрүүд барагддаггүй жишиг тогтоод байгааг анхааруулаад, шаардлагатай бол холбогдох хуулийг шинэчлэх сайжруулах тал дээр санаачлага гарган ажиллахыг Монголбанкны удирдлагаас хүссэн.

Мөн тэрбээр банк бус санхүүгийн байгууллагын мөнгө хүүлэлт хэрээс хэтрээд байгааг сануулаад энэ чиглэлээр Санхүүгийн зохицуулах хороотой хамтран ажиллахаар төлөвлөөд байгаагаа дуулгалаа.