БАРИМТ 1
1986 оны тавдугаар сарын 06-нд төрсөн.
БАРИМТ 2
АНУ-ын Калифорниа мужийн Лос Анжелес хотод мэндэлжээ.
БАРИМТ 3
Түүний бүтэн нэрийг Эмили Марсиа Армстронг гэдэг.
БАРИМТ 4
Тэрбээр 2017 онд нас барсан Честер Беннингтоны оронд 2024 оны есдүгээр сард буюу саяхан Linkin Park-д элсэв.
БАРИМТ 5
Тэр бол "Dead Sara" хамтлагийн үүсгэн байгуулагчдын нэг. Уг хамтлаг 2002 оноос өнөөг хүртэл уран бүтээл туурвисан билээ.
БАРИМТ 6
Тэрбээр 11 настайгаасаа дуу бичиж, гитар тоглож, 15 настайгаасаа дуулж эхэлсэн гэдэг.
БАРИМТ 7
Ахлах сургуулиа хаясан тэрбээр анх гитар худалдаж авахдаа рок хамтлагт орох чин хүсэлтэй байсан гэлцдэг. Өөр зүйл хөөцөлдөх сонирхолгүй байв. 2012 онд Армстронг El Paso Times сонинд өгсөн ярилцлагадаа хөгжим бол түүнийг амьдралдаа урам зоригтой байлгадаг цорын ганц зүйл гэж хэлсэн.
БАРИМТ 8
2002 онд Армстронг гитарчин Медлитэй хамтарсан нь хамтлаг байгуулах эхлэл байв. Тэд дундын найзаараа дамжуулан танилцжээ. Медли, Армстронг хоёуланд нь Nirvana , L7, мөн 1960, 1970-аад оны блюз уран бүтээлчид болон Лед Зеппелин , Стиви Никс , Жони Митчелл , Флитвуд Мак зэрэг сонгодог рок хамтлагууд нөлөөлсөн.
БАРИМТ 9
Анх Epiphany гэж нэрлэгддэг байсан "Dead Sara" хамтлагийн анхны тоглолт 2005 оны гуравдугаар сард Лос Анжелес хотын The Mint шөнийн клубт болсон. Тэр үед Армстронг дуулахаас гадна басс хөгжим тоглож байжээ.
БАРИМТ 10
Тэд 2007 онд анх удаа аялан тоглолт хийж, 2010 онд "Pocket Kid Records" нэртэй инди шошго үүсгэн байгуулж, 2012 онд "Dead Sara" нэртэй бүрэн хэмжээний анхны цомгоо гаргажээ. Цомгийн анхны сингли "Weatherman" нь инди рок хит болсон.
БАРИМТ 11
Хоёр дахь цомгоо "Pleasure to Meet You" гэж нэрлэсэн.
БАРИМТ 12
Армстронгийн бага нас Сайентологи сүмд өнгөрсөн гэдэг. Түүний эцэг эх нь Далайн Оргийн гишүүн байсан бөгөөд Армстронг болон түүний дүү нар бага насаа ийн өнгөрүүлжээ.
БАРИМТ 13
2013 онд Армстронг олон улсын Сайентологийн сүмийн алдартнуудын төвийн 44 жилийн ойн гала тоглолтонд оролцжээ. Сүм түүнийг хэд хэдэн "нэр хүндтэй гишүүдийн" нэг гэж тодорхойлсон.
БАРИМТ 14
Армстронг саяхан Линкин Паркт рсны дараахан хэвлэл мэдээллийн хэрэгслээр түүнийг уг сүмтэй холбоотой, 2020 оны эрүүгийн шүүх хуралдаанд жүжигчин асан, хүчингийн хэрэгт буруутгагдаж, олон жилийн турш сайентологичоор ажиллаж байсан Дэнни Мастерсоныг дэмжиж оролцсон тухай хэвлэл мэдээллийн хэрэгслээр гарсан.
БАРИМТ 15
Хамтлагийн зарим шүтэн бишрэгчид түүнийг ийм учир буруутгах болжээ.
БАРИМТ 16
Тэр хувийн амьдралаа ихэд нууцалдаг нэгэн. Тийм ч учраас түүний тухай дэлгэрэнгүй мэдээлэл ховор байдаг.
Сэтгэгдэл (1)