Эцэг, эхийнхээ тэтгэврийг авдаг хүмүүсийг зургаан сараас нэг жилээр хорьдог болох хуулийн зохицуулалт бий болгоно гэж Гэр бүл, хөдөлмөр, нийгмийн хамгааллын сайд Л.Энх-Амгалан мэдэгдсэн байна. 

Энэ талаар "Эцэг, эхийнхээ тэтгэврийг хувьдаа завшдаг паразитуудыг зургаан сараас нэг жилээр хорьдог болно" гэжээ. "Ахмад настны эсрэг үйлдэгдэж буй хүчирхийллийн хавсарсан байдлаар сэтгэл санааны хүчирхийлэл 64 хувь, бие махбодын хүчирхийлэл 47 хувь, эдийн засгийн хүчирхийлэл 36 хувь, үл хайхрагдах байдал 21 хувь эзэлж байна" гэжээ.

2020 онд Монголын Ахмадын Холбооноос танилцуулж байсан судалгаагаар тэтгэврийн зээл авсан ахмадуудын 0.1 хувь нь өөртөө зарцуулсан бол 20-30 хувь нь өр төлөх гэж, үлдсэн хувь нь үр хүүхдүүддээ сургалтын төлбөр, байр, машины зээл авахад нь нэмэр болох гэж авсан байдаг аж.