БАРИМТ 1
Тэрбээр 1990 оны дөрөвдүгээр сарын 05-нд Хөвсгөл аймгийн Галт суманд мэндэлжээ.
БАРИМТ 2
"Хөвсгөлийн Хүчтэн" дэвжээ, "Сүлд" спорт хороо, Нуман Сүлд ХХК-ийн бөх.
БАРИМТ 3
Биеийн өндөр 188 см, жин 125 кг.
БАРИМТ 4
2007 онд Сумын начин, 2009 онд Сумын заан цолонд хүрсэн.
БАРИМТ 5
2010 онд Аймгийн харцага болж, улмаар 2011 онд цолоо баталжээ. Дараа жил нь буюу 2012 онд Аймгийн арслан цолонд хүрсэн юм.
БАРИМТ 6
Аймгийн арслан цолтой дөрвөн жил сайн барилдсаны эцэст 2014 оны Улсын баяр наадамд тав давж, "Улсын начин" цолтон болжээ. Тэрбээр 2019 онд цолоо баталсан.
БАРИМТ 7
Аймгийн цолтны барилдаанд хоёр удаа их шөвөг, гурван удаа дунд шөвөгт шалгарч байсан.
БАРИМТ 8
Улс, аймагт гурван удаа түрүүлсэн. Цолоо баталдаг 2019 ондоо тэрбээр Бридж группийн нэрэмжит "Баянзүрх хайрханы хишиг" Улс, аймгийн алдар цолтнуудын нээлтийн барилдаанд түрүүлсэн нь анхных.
БАРИМТ 9
Улмаар тэр Нийслэлийн 380, 385 жилийн тэгш ойд түрүүлээд байна.
БАРИМТ 10
Улс аймагт мөн гурван удаа үзүүр булаасан хүчтэн.
БАРИМТ 11
Түүнчлэн 13 удаа их, 9 удаа дунд шөвөгт шалгарсан шилдэг начин билээ.
БАРИМТ 12
Монгол улсад Залуучуудын байгууллага үүсч хөгжсөний 100 жилийн ойн барилдааныг Улсын наадамтай дүйн хийхэд тэр заан цолны давааг давсан. Гэвч цолыг нь өгөөгүй билээ.
Сэтгэгдэл (1)