1. Disappear Completely

2022 оны Мексикийн аймшгийн триллер кино. Уг киног Луис Хавьер Хенаин найруулж, Рикардо Агуадо-Фентанестай зохиолыг нь хамтран бичжээ. . Энэ кинонд шар хэвлэлд ажилладаг гэрэл зургийн сэтгүүлч Сантьягод тохиолдож буй хачирхалтай, жихүүцжм явдлыг харуулах болно.

2. The First Omen

2024 онд бүтээсэн Америкийн ер бусын аймшгийн кино. Уг бүтээлийг Аркаша Стивенсон найруулж, зохиолыг нь Тим Смит, Кит Томас нартай хамтран Бен Жакобигийн түүхэн зохиолоос сэдэвлэн бичжээ. Энэ бол 1976 онд олны хүртээл болсон "The Omen" киноны өмнөх түүх бөгөөд "The ​​Omen" франчайзын зургаа дахь кино юм . Киноны гол дүрд Нел Тайгер Фри, Тавфик Бархом, Сониа Брага, Ральф Инесон, Билл Ниги нар тогложээ . Ром дахь католик шашны асрамжийн газарт ажиллахаар илгээгдсэн гэлэнмаа Антихристийн төрөлтийг авчрах хор хөнөөлтэй хуйвалдааны гэрч болж буйг харуулна.

3. I Saw the TV Glow

2024 онд бүтээсэн Америкийн сэтгэлзүйн аймшгийн драм кино. Жэйн Шоенбрун зохиолыг нь бичиж, найруулжээ. Энэ кинонд Жастис Смит, Брижетт Лунди-Пэйн нар ахлах сургуулийн хоёр сурагчийн дүрд тогложээ. Тэдний дуртай телевизийн нэвтрүүлэг тэднийг бодит байдал, мөн чанараас алсруулж байгаагаар кино өрнөнө. Туслах дүрд Хелена Ховард, Линдси Жордан, Коннер О'Мэлли, Эмма Портнер, Иан Форман, Фред Дөрст, Даниел Дедвайлер нар багтжээ.

4. In a Violent Nature

2024 онд бүтээсэн Канадын кино. Крис Нэшийн зохиолыг бичиж найруулсан уг бүтээлийн гол дүрд нь Ри Барретт, Андреа Павлович, Лорен-Мари Тейлор нар тоглосон. Кинонд Онтариогийн цөл дэх булшнаас нь санамсаргүйгээр амилсан хэлгүй алуурчин бүлэг өсвөр насныхныг айдаст автуулж, хөнөөж байгааг харуулна.

5. Infested

2023 онд бүтээгдсэн Францын аймшгийн кино. Себастьян Ваничекийн хамтран бичиж, найруулсан уг бүтээлийн анхны франц нэр нь "Vermines" юм. Тус кинонд Францыг үгүй хийх аалзны тухай өгүүлнэ.

6. MadS

Дэвид Морогийн зохиолыг нь бичиж найруулсан уг бүтээлд шөнийн үдэшлэгт явахаасаа өмнө шинэ эм туршиж үзэхээр шийдсэн өсвөр насны охины тухай өгүүлнэ.

7. Oddity

2024 оны Ирландын аймшгийн кино. Зохиолч, найруулагчаар нь Дэмиан Маккарти ажиллажээ. Ихэр эгчийнхээ үхэлд эмгэнэн гашуудсан хараагүй дэлгүүрийн худалдагч эгчийнхээ аллагын үнэнг эрэлхийлж буйгаар кино өрнөнө.

8. Speak no evil

Жеймс Уоткинсийн бичиж, найруулсан 2024 оны Америкийн сэтгэл зүйн аймшгийн триллер кино юм. 2022 оны Дани-Голландын ижил нэртэй киноны шинэчилсэн найруулга бөгөөд тус кинонд Жеймс МакАвой, Маккензи Дэвис, Эйслинг Франсиоси, Аликс Вест Лефлер, Дэн Хоу, Скут МакНэйри нар тогложээ.

9. The Substance

2024 онд Корали Фаржитийн бичиж, найруулсан аймшгийн хошин киноны гол дүрд Дэми Мур, Маргарет Куэлли нар тогложээ. Франц, Их Британи, АНУ-ын олон улсын хамтын бүтээл тус кино 2024 оны 5-р сарын 19-нд Каннын 77 дахь кино наадмын үндсэн уралдааны үеэр дэлхийн анхны нээлтээ хийж, Шилдэг зохиолын шагнал хүртсэн юм.

10. You'll Never Find Me

2023 оны Австралийн аймшгийн триллер кино бөгөөд Индина Белл, Жосиа Аллен нарын хамтын бүтээл гэдгээрээ онцлогтой. 

Л.Баяр