Нийслэлийн дулаан хангамжийг станцууд дулааныг бүрэн түгээхэд учир дутагдалтай байгаа юм байна.  Дулаан хангамжийн төвлөрсөн системийн хувьд суурилагдсан эх үүсвэрийнхээ хэмжээнээс хэтэрчихсэн байгаа аж.  Станцуудын дулаан түгээх хүчин чадал нь 1585 г.кал/цаг байтал хэрэглэгчид 1600 г.кал/цаг орчим дулааныг авдаг байна. Өөрөөр хэлбэл нийслэлийн дулаан хангамжийн систем дутагдалд орчихсон байгаа гэнэ. Энэ өвөл эрс хүйтрэнэ л гээд цаг уурын газраас мэдээллээд байгаа. Гэтэл олон жилийн дунджаас илүү хүйтэрвэл нэмэлт дулаан өгөх боломжгүй аж. Одоогоор хотын дулаан жигд хуваарилагдаж байгаа ч хуучны угсармал барилгууд хангалттай дулааныг авч чадахгүй хүйтэн байгаа гэнэ. Энэ нь уг барилгууд нь 80-аад оны дундуур баригдсан харин 1998 онд барилгын дулаан техникийн норм шинэчлэгдсэн байдагтай холбоотой юм байна. Энэ үеэс хойш баригдсан барилгуудын талбай хуучны байртай ижил хэмжээтэй ч дулаан хадгалалт гурав дахин их байдаг. Тэгэхээр угсармал барилгууд гурав дахин бага дулаан хэрэглэдэг болж таарч байгаа юм.