Колумбын тэргүүлсэн олон улсын хар тамхины эсрэг ажиллагааны үеэр кокаинаар дүүргэсэн хөлөг онгоцыг саатуулж, зургаан хүнийг баривчилсан байна.
Колумбын Тэнгисийн цэргийн хүчний Тэнгисийн цэргийн ажиллагааны штабын дарга, дэд адмирал Орландо Энрике Грисалесийн хэлснээр, 62 улсыг хамарсан ажиллагааны хүрээнд аравдугаар сарын 1-нээс арваннэгдүгээр сарын 14-ний хооронд 1400 гаруй тонн хар тамхи хураан авсан байна. Тэдгээр нь голдуу марихуан байжээ.
Мөн тэдгээрийн 225 тонн кокаин байсан бөгөөд үүний 5 тонн нь Колумбаас Австрали руу далайн наймааны замаар явж байсан хагас гүний хөлөг онгоцноос олдсон байна. Номхон далайн гүнд Австралид хүрэх хангалттай түлшээр дүүрэн байсан хөлөг онгоц нь хар тамхи их хэмжээгээр тээвэрлэж яваад саатуулагдсан гурав дахь тохиолдол болоод байна.
Австралийн цагдаа нар сүүлийн жилүүдэд олон улсын хар тамхины сүлжээг илрүүлэх ажилд ханцуй шамлах орсон. 1990-ээд оны сүүлээр Колумбын картелууд хууль бус ачаагаа АНУ руу тээвэрлэхийн тулд Карибын тэнгис дэх АНУ-ын хууль сахиулах эргүүлээс зугтах арга замыг эрэлхийлж хөлөг онгоцуудыг ашиглаж эхэлсэн.
225 тонн кокаин хураан авсан нь асар том ачаа юм. НҮБ-ын Мансууруулах бодис, гэмт хэрэгтэй тэмцэх алба энэ жилийн тайландаа 2022 онд дэлхийн кокаины үйлдвэрлэл 2700 тоннд хүрч, дээд амжилт тогтоосон байна.
Л.Баяр
