Бид та бүхэнд 2024 дэлхий нийтийг гунигт автуулан одсон 24 алдартанг танилцуулж байна. Тэд бүгд сайн дүрийг олсон гэж итгэцгээе. 

Мэгги Смит - 1934 оны арванхоёрдугаар сарын 28 - 2024 оны есдүгээр сарын 27

Их Британи гаралтай тэрээр "Оскар", "Академи"-ийн хоёр, долоон удаагийн "BAFTA" , дөрвөн удаагийн Эмми, гурван удаагийн Алтан бөмбөрцөг, нэг удаагийн Тони зэрэг олон нэр хүндтэй шагналын эзэн байв. Түүнийг бид Харри Поттер цувралд тоглосон Минерва Макгонагаллын дүрээр нь сайн мэдэх билээ. 

Лиам Пэйн - 1993 оны наймдугаар сарын 29 – 2024 оны аравдугаар сарын 16

Тэрээр бидний сайн мэдэх Англи-Ирландын поп "One Direction" хамтлагийн гишүүн байв. Өнгөрсөн 10 дугаар сард Аргентинд байхдаа барилгаас унаж нас барсан юм.

Жеймс Эрл Жонс - 1931 оны нэгдүгээр сарын 17 – 2024 оны есдүгээр сарын 9

Жонс бол EGOT-т хүрсэн буюу Эмми, Грэмми, Оскар, Тонигийн шагналыг хүртсэн цөөхөн жүжигчдийн нэг юм. Мөн тэрээр хар арьс жүжигчдийн анхдагч байв.

Шаннен Дохерти - 1971 оны дөрөвдүгээр сарын 12 - 2024 оны долдугаар сарын 13

Америкийн жүжигчин тэрээр кино, дэлгэцийн урдагт тод мөр үлдээж, карьерийнхаа туршид хэд хэдэн алдартай дүрийг бүтээсэн. Тухайлбал, "Little House on the Prairie (1982–1983); "Girls Just Want to Have Fun" (1985); "Our House" (1986–1988); "Heathers" (1989); "Beverly Hills, 90210" (1990–1994), (2008–2009), "BH90210" (2019); "Mallrats" (1995);"Charmed" (1998–2001) зэрэг бүтээлд дүрээ мөнхөлжээ.

Дональд Сазерланд - 1935 оны долдугаар сарын 17 – 2024 оны зургадугаар сарын 20

Канадын жүжигчин тэрбээр 60 жилийн карьераартаа нэг удаа Эмми шагнал, хоёр Алтан бөмбөрцөг шагналыг хүртэж байв. Академийн шагналд хэзээ ч нэр дэвшээгүй шилдэг жүжигчдийн нэгд тооцогдож байсан тэрээр 2017 онд Академийн Хүндэт шагнал хүртжээ. Сазерланд бол Вьетнамын дайнд тулалдсан ахмад дайчин хүн юм.

Квинси Жонс - 1933 оны гуравдугаар сарын 14 - 2024 оны 11 дүгээр сарын 3

Продюсер, хөгжмийн зохиолч, удирдаач, бүрээчин, хамтлагийн ахлагч байсан тэрээ 70 жилийн карьерынхаа туршид 28 удаа Грэмми шагнал, нэг удаа Эмми, Тони шагналыг хүртэж байв. Мөн тэр долоон удаа Оскарын шагнал, дөрвөн Алтан бөмбөрцөг шагналд нэр дэвшсэн. Түүнийг Майкл Жексоныг алдартай болгосон хүн гэлцдэг. 

Никки Жованни - 1943 оны зургадугаар сарын 7 - 2024 оны 12 дугаар сарын 9

Америкийн яруу найрагч, зохиолч, тайлбарлагч, идэвхтэн, сурган хүмүүжүүлэгч байсан тэрээр дэлхийн хамгийн алдартай Африк-Америк яруу найрагчдын нэг байв. Түүний бүтээлүүд яруу найргийн антологи, уран зохиолын бус эссе хэлбэрээр бичигдсэн. Тэрээр арьс өнгөөр ялгаварлах үзэл, нийгмийн асуудлаас эхлээд хүүхдийн уран зохиол хүртэлх сэдвүүдээр бүтээл туурвисан.

Алис Мунро - 1931 оны додугаар сарын 10 - 2024 оны тавдугаар сарын 13

Тэрээр Канадын богино өгүүллэгийн мастер байв. 2013 онд Уран зохиолын чиглэлээр Нобелийн шагнал хүртсэн.

Глинис Жонс - 1923 оны 10 дугаар сарын 5 – 2024 оны нэгдүгээр сарын 4

Британийн жүжигчин тэрээр найман жилийн тайз болон дэлгэцийн карьертаа 60 гаруй кино, 30 гаруй жүжигт тоглосон. Тэрээр карьерынхаа туршид Тони шагнал , Драмын шагнал, Академийн шагнал, Алтан бөмбөрцөг шагнал, Лоренс Оливьегийн шагналд нэр дэвшиж байв. Жонс Холливудын Алтан эрин үе болон Британийн кино урлагийн сонгодог үеээс амьд үлдсэн сүүлчийн оддын нэг байлаа.

Жерри Уэст - 1938 оны тавдугаар сарын 28 – 2024 оны зургадугаар сарын 12

Америкийн сагсан бөмбөгчин тэрээр АНУ-ы Үндэсний Сагсан Бөмбөгийн Холбооны ( NBA) Лос Анжелес Лэйкерс багт тоглож байсан бөгөөд бүх цаг үеийн хамгийн шилдэг тоглогчдын нэг гэдгээрээ алдартай. Түүний хоч нь "Лого" байсан бөгөөд түүний дүрс NBA-ийн одоогийн лого билээ.

Айрис Апфел - 1921 оны наймдугаар сарын 29 – 2024 оны гуравдугаар сарын 1

Гайхалтай хэв маяг, илэн далангүй байдлаараа алдартай Америкийн бизнес эрхлэгч, интерьер дизайнер, загвар зохион бүтээгч тэрээр нөхөр Карлтайгаа 1950-1992 оныг хүртэл загварын салбарт хүчирхэг байв. Тэрээр хувцас загварын чиглэлээр "Цагаан ордон"-той гэрээ байгуулж, есөн ерөнхийлөгчийн үед сайн түнш байсан юм. 

Шелли Дувалл - 1949 оны долдугаар сарын 7 - 2024 оны долдугаар сарын 11

Америкийн жүжигчин, продюсер тэрээр Америкийн кино найруулагч Роберт Алтмантай хамтран ажиллаж, содон дүрд тоглодгоороо алдартай байв. Тэр Каннын кино наадам, Британийн кино академийн шагналыг хүртэж, хоёр удаа Эмми шагналд нэр дэвшиж байжээ. Түүний дөрвөн кино Конгрессын номын сангийн Үндэсний киноны бүртгэлд хадгалагддаг. Бид түүнийг "The Shining" киногоор сайн мэдэх билээ.

Сон Жэ Лим - 1985 оны хоёдугаар сарын 18 - 2024 оны 11 дүгээр сарын 12

Өмнөд Солонгосын жүжигчин, загвар өмсөгч тэрээр анхлан загвар өмсөгчөөс гараагаа эхэлж дараагаар нь К-драмын жүжигчин болтлоо алдар нэрд гарсан юм.

Беандри Буйсен - 19 насандаа таалал төгссөн

ТикТокын од тэрээр төрөлхийн прогериа өвчинтэйгөө тэмцсээр насан эцэслэв. Түүний бичлэгүүд олон хүнд амьдрах урам зориг хайрласан билээ. 

Дэвид Уэзерли - 1939 оны гуравдугаар сарын 1 - 2024 оны 12 дугаар сарын 12

"Бөгжний эзэн: Бөгжний нөхөрлөл" , "Зена: Дайчин гүнж" кинонд бүтээсэн дүрээрээ олны танил болсон Уэзерли удаан хугацааны өвчний улмаас таалал төгсчээ.

Марк Уиттерс - 1947 оны зургадугаар сарын 25 – 2024 оны арваннэгдүгээр сарын 22

Тэрээр телевизийн бүтээлд тоглосон олон арван дүрээрээ алдартай Америкийн жүжигчин байв. Бид түүнийг "Stranger Things" цувралын дүрээр нь сайн мэднэ.

Колин Петерсен - 1946 оны гуравдугаар сарын 24 – 2024 оны арваннэгдүгээр сарын 18

Австралийн бөмбөрчин, жүжигчин тэрээр "Steve and the Board", "Bee Gees", "Humpy Bong" хамтлагуудын гишүүн байв. 1969 оны 8-р сард тэрээр "Bee Gees" хамтлагийг орхисон.

Владимир Шкляров - 1985 оны хоёрдугаар сарын 9 – 2024 оны арваннэгдүгээр сарын 16

Оросын балетчин бөгөөд Санкт-Петербург хотын Мариинскийн балетын гол бүжигчин байв. Тэрээр мөн Германы Мюнхен дэх Баварийн улсын балет, Лондонгийн Хатан хааны балетын зочин найруулагчаар ажиллаж байсан дэлхийн хамгийн алдартай балетчин байлаа. Шкляров Санкт-Петербург хотын нэгэн орон сууцны таван давхраас унаж нас баржээ.

Жоржина Купер - 46 насандаа хорвоог орхисон

Их Британийн загвар өмсөгч Жоржина Купер Грекийн Кос аралд нас барсан юм. Загвар өмсөгч бүсгүй COVID-ийн улмаас үүссэн удаан хугацааны тархины цус алдалтаас болж хорвоог орхисон.

Жейкоби Жонс - 1984 оны долдугаар сарын 11 - 2024 оны долдугаар сарын 14

Тэрээр Америкийн мэргэжлийн хөлбөмбөгчин байсан бөгөөд Үндэсний хөлбөмбөгийн лигийн ( NFL) мэргэжилтэн байсан . 2007 оны NFL драфтын 3-р тойрогт Хьюстон Техас багаас сонгогдсон Жонс 2017 онд Үндэсний Арена лигийн Монтеррей Стилтэй тоглохын өмнө Балтимор Равенс , Сан Диего Чаржерс , Питтсбург Стилерс багуудад тоглож байсан.

Рики Хендерсон - 1958 оны 12 дугаар сарын 25 – 2024 оны 12 дугаар сарын 20

"Хулгайч" хочит, Америкийн мэргэжлийн бейсболын байсан тэрээр 1979-2003 онд Бейсболын дээд лигийн (MLB) есөн багт 25 улирал тогложээ.

Жорж Ньюхарт - 1929 оны есдүгээр сарын 5 – 2024 оны долдугаар сарын 18

Тэрээр Америкийн инээдмийн жүжигчин бөгөөд "Стэнд ап" инээдмийн жүжигчнээр карьераа эхлүүлж байсан. Ньюхарт карьерынхаа ихэнх хугацааг телевизийн салбарт өнгөрөөсөн бөгөөд гурван Грэмми шагнал нэг удаа Эмми бол Алтан бөмбөрцөг шагнал хүртсэн.

Тоби Кит - 1961 оны долдугаар сарын 8 – 2024 оны хоёрдугаа сарын 5

Тэрээр Америкийн кантри хөгжмийн дуучин, ая зохиогч, продюсер, жүжигчин, бизнесмэн байлаа. Нийтдээ Кейт 19 студийн цомог, Зул сарын хоёр цомог, таван эмхэтгэлийн цомог гаргасан нь дэлхий даяар 40 сая гаруй цомгийн борлуулалт хийсэн байна.

Морган Спурлок - 1970 оны арваннэгдүгээр сарын 7 – 2024 оны тавдугаар сарын 23

Америкийн баримтат кино найруулагч, зохиолч, телевизийн продюсер юм. Тэрээр карьерынхаа туршид 23 кино найруулж, 70 орчим киноны продюсерээр ажилласан. Хамгийн сүүлд тэр 2013 онд "One Direction: This Is Us" баримтат киног найруулжээ.

Л.Баяр