АНУ-ын Ерөнхийлөгчөөр хоёр дахь удаагаа сонгогдсон Доналд Трамп болон дэд ерөнхийлөгч Ж.Д.Вэнс нарын албан ёсны хөрөг зургийг даваа гарагт  болох тангараг өргөх ёслолын өмнө олон нийтэд ил болголоо. 

Трамп, Вэнс нар цэнхэр костюмтай, цагаан захтай цамц, цэнхэр зангиатайгаар ижилчжээ. Д.Трампын энгэрт нь АНУ-ын төрийн далбаа бүхий жижиг тэмдэг байв. Д.Трампын илэрхийлэмж нь Вэнсийнхтэй зөрчилдөж буй. Тэрбээр толгойгоо бага зэрэг духайлган, нэг хөмсгөө өргөөд, уруулаа жимийсэн байдалтай хөрөг буужээ. 

Харин Ж.Д.Вэнс тайвнаар гараа ачсан байдалтайгаар зургаа даруулжээ. 

Д.Трампын уг хөрөг 2020 оны сонгуульд Жо Байденд ялагдсаныг хүчингүй болгохыг оролдсон хэргээр Жоржиа мужид яллагдагчаар татагдсаны дараа Фултон тойргийн шоронд авхуулсан 2023 оны гэрэл зурагтай нь төстэй байв. Гэвч Д.Трамп үүнийг үгүйсгэсэн юм. Ямартай ч тэр 2017 онд ерөнхийлөгч болж байхдаа яг л Ж.Д.Вэнс шиг камер руу инээмсэглэж байв. 

Л.Баяр