Соёл, спорт, аялал жуулчлал, залуучуудын яамны үзэсгэлэнгийн танхимд хадны зургийн үзэсгэлэн дэлгэгджээ. Энэхүү үзэсгэлэнд Монгол Улсаас ЮНЕСКО-ийн Дэлхийн өвд бүртгэгдсэн болон урьдчилсан жагсаалтад орсон 12,000-1,200 жилийн өмнөх үед холбогдох хадны зургийн дурсгалын дээжээс дэлгэн толилуулж байна.

Тус үзэсгэлэнг Монгол Улсын Ерөнхийлөгчийн 2017 оны “Хадны зураг, бичээсийг хамгаалах, судлах ажлыг дэмжих тухай” 181 дүгээр зарлигийн хүрээнд 2024 онд ШУА-ийн Археологийн хүрээлэнтэй хамтран Архангай аймгийн Тариат сумын Мөрөн багийн нутагт зохион байгуулсан “Суман голын хадны зураг” эрдэм шинжилгээний хурлын үеэр олон нийтэд дэлгэн танилцуулсан юм. Үзэсгэлэн 2025 оны хоёрдугаар сарын 14-нийг хүртэл үргэлжилнэ.