“Талх Чихэр” ХК, Монголын үндэсний бөхийн холбоо хамтран 2006 оноос хойш жил бүр зохион байгуулдаг “АТАР” хэвийн боовны нэрэмжит аймаг, цэргийн цолтой хүчит 256 бөхийн барилдаан ирэх бямба гарагт буюу 2025 оны нэгдүгээр сарын 25-ны өдрийн 11:00 цагт Монгол бөхийн өргөөнд зохион байгуулагдана.

Сар шинийн баярыг угтан зохион байгуулагддаг уг барилдаанд түрүүлж, үзүүрлэж байсан бөхчүүдээс Монгол Улсын начин 12, Монгол Улсын харцага хоёр, Монгол Улсын заан дөрөв, Монгол Улсын аварга гурав төрсөн байдаг.

Ийм ч учраас “АТАР” хэвийн боовны нэрэмжит уг барилдаанд хүчит бөхчүүд хүч тэнхээ, уран мэхээ уралдуулан өрсөлддөг, аймаг цэргийн цолтой бөхчүүд амжилттай сайн барилдахыг эрмэлздэг уламжлал тогтоод байна.

Л.Баяр