Уншигч та бүхэнд амралтын өдөр болох үзвэр, үйлчилгээний хуваарийг танилцуулж байна.
Сагсан бөмбөгийн ҮНДЭСНИЙ ДЭЭД ЛИГийн тоглолт
Хаана: UG ARENA
Хэзээ: 2025.01.25, 26-ны өдрүүдэд
Тайлбар: Монголын Сагсан Бөмбөгийн Холбооны 2024-2025 оны Үндэсний Дээд лигийн 01-р сарын 25,26-ны өдрийн тоглолт UG Arena ордонд 13:40 цагаас эхэлнэ.
"ХҮЛЭЭХ ӨРӨӨ" УСК Нээлтийн үзвэр
Хаана: The Corporate Hotel and Convention Centre
Хэзээ: 2025.01.25-ны 18.00 цагт
Тайлбар: "Хүн болгон амьдралаас өөр өөр зүйлсийг хүсэн хүлээдэг. Хадгаламжиндаа сар бүр мөнгө хийгээд аялалд явах өдрөө хүлээх, хайртай хүнээ сургуулиа төгсөөд ирэх тэр өдрийг хүлээх, өлсөж өлсөж байгаад халуун ус гоймондоо хийчихээд болохыг нь хүлээх гээд л... Хэцүү хэрнээ сэтгэл догдлом бас тэвчээр шаардсан... Тэгвэл амьдрал хүлээх ямар бол?..."
Тасалбар: 20.000 төгрөг
В.А.Моцарт "Увдист лимбэ"
Хаана: Улсын Дуурь Бүжгийн Эрдмийн Театр
Хэзээ: 2025.01.25-ны 17.00 цагт
Тайлбар: Зохиолын сэдвийг Моцартын үед амьдарч байсан Австрийн урлаг, нийгмийн нэрт зүтгэлтэн Шиканедер гэгч К.Виландагийн (1733-1813) "Жинистан буюу сайхан сэтгэлт хатагтай ба сүнснүүд" хэмээх уран зөгнөлт туульсын түүврээс авсан байдаг. Энэ түүвэр 1786-1789 онд хэвлэгдэн гарсан байжээ. Шиканедер энэ сэдвийг тэр үеийн ардын шидэт аман зохиолтой уялдуулан холбож чадсан юм. Цомнол анхнаасаа герман хэл дээр бичигдсэн бөгөөд үйл явдлууд, баатрууд бүгд нууцлаг ертөнцийг эрэгцүүлсэн маягтай, уран сэтгэмжийн аргаар бүтээгджээ. Үлгэрийн гэмээр энэхүү гэнэн сэдвийг Моцарт хөгжүүлэн хүний зан араншин, ёс суртахууны асуудлыг хөндсөн гүн гүнзгий философийн эрэгцүүлэл болгон хөгжим бичжээ.
Тасалбар: 30.000-80.000 төгрөг
Classic night with ANIR
Хаана: Улаанбаатар театр
Хэзээ: 2025.01.25-ны 18.00 цагт
Тайлбар: Өрнө дорнын өөр өөрийн өнгө аястай бүтээлүүдийг нэгэн тайзнаас сонсож, сэтгэлийн Анираа хөглөөрэй.
Тасалбар: 50.000 төгрөг
"NOMADIC LEGEND" ардын урлаг, өв соёлын тоглолт
Хаана: ГАН ЗАМ ПАЛАС
Хэзээ: 2025.01.11 18:00
Тасалбар: 55.000 төгрөг
Тайлбар: Цагаан лавай чуулгийн "NOMADIC LEGEND"ардын урлаг,өв соёлын тоглолтоо сар бүрийн тодорхой хуваарьт өдрүүдэд 18.00 цагт тоглож байна.Уг тоглолт нь үндэсний урлагийн бүхий л үзүүлбэрүүд багтах бөгөөд ардын хөгжмийн хамтлаг,ардын бүжиг,бие биелэгээ,хөөмий магтаал,морин хуур,цамын бүжиг,уртын болон ардын дуу, уран нугаралт гээд ардын урлагийн цогц хөтөлбөртэй тоглолт юм.
Сэтгэгдэл (2)