Дуучин, зохиолч, жүжигчин Марианна Фэйтфул нас барсан гэж түүний хэвлэлийн төлөөлөгч Пүрэв гарагт мэдэгдэв. “Дуучин, ая зохиогч, жүжигчин Марианна Фэйтфул нас барсанд бид гүнээ эмгэнэл илэрхийлж байна. Марианна өнөөдөр Лондонд хайртай гэр бүлийнхээ дунд амар тайван таалал төгсөв. Түүнийг үнэхээр үгүйлэх болно” гэж мэдэгдэлд дурджээ.

Фэйтфул нь 1960-аад оны хит дуунуудаараа алдартай байсан бөгөөд хожмоо "The Rolling Stones" хамтлагийн дуулсан "As Tears Go By" дууг анх дуулсан юм. Түүнийг 1964 онд "The Rolling Stones"-ын менежер Эндрю Лог Олдхэм Лондонд болсон нэгэн үдэшлэгийн үеэр олж нээсэн гэдэг. Тэрээр 50 гаруй жил хөгжмийн салбарт ажилласан. 1968 онд гарсан "Girl on a Motorcycle" , 1969 онд "Hamlet" болон бусад кинонд дүр бүтээжээ.

Гэвч 1960-аад оны сүүлээр тэрээр хар тамхины донтолттой тэмцэж байсан юм. 2020 онд Bohemian Rhapsody киноны од Люси Бойнтон түүний амьдралын тухай намтар кинонд түүний дүрд тоглоно гэдгээ мэдэгдсэн. Тухайн үед Фэйтфул "Миний түүхийг мөрөөдлийн баг маань бүтээж байгаад баяртай байна" гэж хэлсэн удаатай. 2021 онд шинэ цомог бичсэн бөгөөд энэ хугацаанд тэрээр Ковид-19 хүнд халдвартай тэмцэж байсан юм.

Л.Баяр