Тайланд улс Мьянмараас хүн худалдаалах гэмт хэргийн хохирогч болсон 260 хохирогчийг хүлээн авсан бөгөөд үүний талаас илүү хувь нь Этиопчууд байсан гэж тус улсын арми Пүрэв гарагт мэдэгдлээ.

Гэмт хэргийн бүлэглэлүүд олон зуун мянган хүнийг худалдаалж, тэднийг хууль бус онлайн ажиллагаанд албадан ажиллуулж, Зүүн өмнөд Ази даяар, ялангуяа Тайланд-Мьянмарын хилийн дагуу жил бүр олон тэрбумаар ам.долларын ашиг олдог гэж НҮБ-аас мэдээллээ.

Тайландын армийн мэдэгдэлд, "Уг хүмүүсийн иргэншлийг шалгаж үзэхэд 20 үндэстнээс бүрдсэн нь тогтоогдсон. Тэдний 138 нь Этиопчууд байсан" гэжээ. Хэдийгээр эдгээр хууль бус ажиллагаа олон жилийн турш үргэлжилж байгаа ч өнгөрсөн сард Хятадын жүжигчин Ван Синыг жүжигчний ажилд урьж залилан Тайланд руу хулгайлсан хэргийн дараатус улсын эрх баригчид хяналтаа чангатгасан юм.

Л.Баяр