"Баасан гарагт Мюнхенд болох аюулгүй байдлын бага хурлын үеэр АНУ, Орос, Украины албаны хүмүүс Украины дайныг хэрхэн зогсоох талаар хэлэлцэнэ" гэж АНУ-ын Ерөнхийлөгч Доналд Трамп мэдэгдлээ.
"Орос улс манай ард түмэнтэй хамт байх болно. Мөн хэн ирэхийг мэдэхгүй ч Орос, Украин, АНУ-аас өндөр түвшний хүмүүсийг урьж байна" гэж АНУ-ын ерөнхийлөгч хэлжээ.
Гэсэн хэдий ч Германд жил бүр болдог уг форумд албан ёсоор оролцдоггүй Орос улс үүнд ямар нэгэн тайлбар хийгээгүй хэвээр байна. Украины өндөр албан тушаалтан "Оросуудтай Мюнхенд яриа хэлэлцээ хийнэ гэж бодохгүй байна" гэж мэдэгдэв.
АНУ-ын НАТО-гийн холбоотнууд Трампын энэ долоо хоногт ОХУ-ын Ерөнхийлөгч Владимир Путинтэй утсаар ярьж, дайныг зогсоох яриа хэлэлцээг эхлүүлэхээр тохиролцсон тухай гэнэтийн мэдэгдэлд хариу үйлдэл үзүүлсээр байна. Украины Ерөнхийлөгч Владимир Зеленский Мюнхенд Трампын дэд ерөнхийлөгч Ж.Д.Вэнстэй уулзах гэж байна. Зеленский мөн АНУ-ын Төрийн нарийн бичгийн дарга Марко Рубиотой уулзах төлөвтэй байна.
Рубиогийн онгоц Германы хот руу явах замдаа "механикийн асуудалтай" тулгарсны улмаас пүрэв гаргийн орой Мэрилэнд дэх АНУ-ын агаарын бааз руу буцах шаардлагатай болж, өөр онгоцоор Германд очих аж.
Л.Баяр
