Канадын Торонто Пирсон олон улсын нисэх онгоцны буудалд зорчигч тээврийн онгоц осолдсоны улмаас 18 хүн шархадсан гэж орон нутгийн Гал түймэртэй тэмцэх газрын дарга Тодд Айткен мэдэгдэв.

Миннеаполисоос ирсэн 80 хүнтэй "Delta Air Lines" компанийн онгоц хөөрөх зурвас дээр хөмөрсөн байсан бөгөөд зорчигчид ослын дараа онгоц дотор "сарьсан багваахай" шиг доошоо харан дүүжлэгдсэн байдалтай байсан тухай хэвлэлүүд мэдээлж байна. 

Нисэх буудлын Гүйцэтгэх захирал Дебора Флинт хүний ​​амь нас эрсдээгүй. Мөн анхан шатны тусламж үзүүлсэн хүмүүсийг сайшаав.

Одоогоор мөрдөн байцаагчид ослын шалтгааныг илрүүлэхээр ажиллаж байгаа байгаа тул нислэгийн зурвасууд ойрын хэдэн өдөртөө хаалттай байх ажээ. Эхний таамгаар бүс нутагт дэгдсэн хүчтэй салхины нөлөөллөөс хөөрөх үедээ хөмөрсөн байх магадлалтай гэнэ. 

Энэ үйл явдал АНУ-ын Вашингтон хотын Рейган үндэсний нисэх онгоцны буудалд газардахынхаа өмнө "American Airlines" компанийн онгоц АНУ-ын армийн "Black Hawk" нисдэг тэрэгтэй агаарт мөргөлдсөн ослоос хойш гурван долоо хоног хүрэхгүй хугацааны дараа болж байна. Мөн өнгөрсөн оны 12 дугаар сард Чежү Эйр болон Азербайжаны агаарын тээврийн онгоцнууд осолдож, олон зуун хүний амь эрсэдсэн юм.

Л.Баяр