АНУ-ын Аризона мужийн Конгрессын гишүүн, Ардчилсан намаас сонгогдсон Раул Грижалва хорт хавдрын улмаас 77 насандаа таалал төгслөө. Грижалва өнгөрсөн дөрөвдүгээр хорт хавдартай тэмцэж байгаагаа зарласан боловч ямар төрлийн хорт хавдар болохыг тодорхой хэлээгүй юм.
Тэрээр анх 2002 онд Төлөөлөгчдийн танхимд сонгогдсон бөгөөд Аризонагийн Конгресст Тэрээр Тускон, Юма, Ногалес хотуудын сонгогчдыг төлөөлөн хорь гаруй жил ажилласан нэгэн юм.
Грижалва улс төрийн карьераа олон нийтийн зохион байгуулагчаар эхлүүлсэн бөгөөд ихэнхдээ байгаль орчны асуудалд анхаарлаа хандуулдаг байв. Конгресст сонгогдсоныхоо дараа тэрээр Конгрессын Байгалийн нөөцийн хороонд Ардчилсан намын тэргүүнээр ажилласан.
Рауль Грижалвагийн аав нь Мексикээс АНУ-д ирсэн цагаач ажилчин байсан бөгөөд 1945 онд Брасеро хөтөлбөрийн дагуу АНУ-д суурьшжээ.
Грижалва Тусон хотоос өмнө зүгт 30 милийн зайд орших Каноа Ранч хотод төрсөн. Тэрээр 1967 онд Саннисайдын ахлах сургуулийг төгссөн бөгөөд 2004 онд сургуулийнхаа ахлах сургуулийн төгсөгчдийн алдрын танхимд элссэн. Тэр мөн Аризонагийн их сургуульд суралцаж, социологийн чиглэлээр бакалаврын зэрэг хамгаалсан.
Л.Баяр
Сэтгэгдэл (2)