Доминиканы Бүгд Найрамдах Улс Санто Домингогийн эмнэлгүүдэд бичиг баримтгүй цагаачдыг дарах ажиллагааны эхний өдөр 130 гаруй Гаити эмэгтэй, хүүхдийг баривчилсан гэж мэдэгдэв. Даваа гарагт баривчлагдсан эмэгтэйчүүдийн олонх нь жирэмсэн, бусад нь саяхан амаржсан байжээ.
Энэ арга хэмжээ нь хөрш Гаити улсаас ирж буй цагаачдыг зогсоохын тулд долоо хоногт 10 мянга хүртэлх бичиг баримтгүй цагаачийг албадан гаргах тухай тус улсын Засгийн газраас өнгөрсөн жил зарласан төлөвлөгөөний нэг хэсэг юм.
Гэсэн хэдий ч Гаитигийн нийслэл Порт-о-Пренс дэх хэт бүлэглэлийн хүчирхийлэл, ядуурлаас зугтаж байгаа цагаачдад Доминиканы Ерөнхийлөгч Луис Абинадерын засгийн газар хатуухан харьцаж байна гэж олон нийт шүүмжлэв.
Цагаачлалын албанаас эмэгтэйчүүдийг биометрийн мэдээлэл болон хурууны хээг нь бүртгэж, цагдан хорих төвд аваачсаны дараа "эмчилгээ хийсэн" гэж мэдэгдэв.
Эрх баригчид эмэгтэйчүүдэд эмчилгээ хийлгэж, бичиг баримтгүй эхчүүдийг эх оронд нь буцаах болно гэж мэдэгджээ. Олон Гаитичууд хүчирхийлэл, өлсгөлөнгөөс зугтан Доминиканы Бүгд Найрамдах Улсын хилийг давж буй. Эдгээр тоог багасгахын тулд Доминикан улс энэ оны эхний гурван сард 80 мянга гаруй хүнийг Гаити руу албадан гаргасан ажээ.
Л.Баяр
