Японы эзэн хаан асан Акихито мягмар гарагт зүрхний өвчний улмаас эмнэлэгт хүргэгдсэн гэж тус улсын олон нийтийн "NHK" телевиз "Imperial Household" агентлагаас эш татан мэдээлэв.
Тэтгэвэрт гарсан 91 настай Акихито бол одоогийн эзэн хаан Нарухитогийн эцэг юм. Тэрбээр 2019 онд зүрхний мэс засал хийлгэснээсээ хойш долоон жилийн дараа Японы эзэн хааны титмийг өөрийн хүүдээ шилжүүлсэн баилээ.
Өнгөрсөн сард болсон ээлжит үзлэгээр түүнд зүрхний ишемийн шинж тэмдэг илэрсэн тул экс эзэн хаан Токиогийн их сургуулийн эмнэлэгт нарийвчилсан шинжилгээнд хамрагдана гэж "NHK" агентлаг мэдээллээ. Уг эмгэг нь зүрхний булчингийн ажиллагааг сулруулж, цусны урсгалыг бууруулдаг ажээ.
1989 онд эцэг Хирохитог нас барсны дараа хаан ширээнд суусан Акихито сүүлийн 200 жилд албан тушаалаасаа татгалзсан анхны Японы хаан болсон юм. Тэрбээр хаан ширээнээсээ буухынхаа өмнөх жилүүдэд зүрхний мэс засал хийлгэж, түрүү булчирхайн хорт хавдраа эмчлүүлсэн байдаг.
Уламжлалыг эвдсэн гэгддэг Акихито жирийн бүсгүйтэй гэрлэж, ард иргэдтэйгээ телевизээр шууд ярьж, хүүхдүүдээ хүмүүжүүлэхэд гар бие оролцсон анхны Японы эзэн хаан билээ.
Л.Баяр
Сэтгэгдэл (5)