Орос улс Дэлхийн хоёрдугаар дайны ялалтын ойг ирэх баасан гарагт тэмдэглэхээр зэхэж байгаа энэ үед ОХУ-ын Ерөнхийлөгч Владимир Путины өнгөрсөн сард мэдэгдсэн Украинд гурван өдрийн гал зогсоох амлалт хүчин төгөлдөр эхэллээ. Оросын төрийн мэдээллийн агентлаг ТАСС хэлэхдээ, гал зогсоох ажиллагаа орон нутгийн цагаар лхагва гарагийн 17:00 цагт эхэлсэн гэжээ.
Гэвч Украины Агаарын цэргийн хүчин Оросыг Украины хойд хэсгийн Сумы хотын дээгүүр чиглүүлсэн бөмбөг хөөргөсөн гэж мэдэгдэв. Өнгөрсөн сард Кремлийн мэдэгдэлд Путин Украин дахь "бүх цэргийн ажиллагааг" "хүмүүнлэгийн үүднээс" тавдугаар сарын 8-наас тавдугаар сарын 11-ний шөнө дунд хүртэл зогсоох тушаал өгсөн.
Богино хугацааны эвлэрлийг анх зарлахад Киев татгалзсан юм. Украины Ерөнхийлөгч Владимир Зеленский Путины мэдэгдлийг “театрын үзүүлбэр” гэж нэрлээд ОХУ-ын татгалзсан 30 хоногийн хугацаанд гал зогсоох тухай АНУ-ын өмнөх саналыг дэмжиж буйгаа мэдэгдсэн.
Оросууд Дэлхийн 2-р дайн дууссаны ойг тэмдэглэхээр бэлтгэж байх үед Украины нисгэгчгүй онгоцууд лхагва гарагт шилжих шөнө ОХУ руу халджээ. Энэхүү халдлагын улмаас Оросын эрх баригчид 13 нисэх онгоцны буудлын агаарын хөдөлгөөнийг түр зогсооход хүрсэн гэдгийг мэдэгджээ.
Баасан гарагт болох парадад оролцохоор Оростой найрсаг харилцаатай орнуудын төлөөлөгчид ирж байсантай цэрэгцэн уг халдлагууд гарсан нь нисэх буудлуудыг хаах шалтгаан болсон. Мөн энэ нь "ОХУ-ыг олон улсын өмнө эвгүй байдалд оруулсан үйл явдал" хэмээн хэвлэлүүд мэдээлж байна.
Л.Баяр
Сэтгэгдэл (10)