Хойд Солонгосын албаныхны мэдээлснээр ОХУ-ын армид Украины эсрэг тулалдаж байгаад амь үрэгдсэн цэргүүдийн ар гэрт нийслэл Хойд Солонгосын нийслэл Пёньян руу нүүх эрх олгож, тэдний дурсгалд зориулан хөшөө босгохоор болжээ. Ийм шийдвэр гаргах болсны цаад шалтгаан нь амь үрэгдсэн цэргүүдийн ар гэрийнхэн дэглэмийг шүүмжлэх магадлалтай байдагтай холоотой гэнэ. Пёньян руу нүүх зөвшөөрөл нь Ким Жон Уны авторитар дэглэмд нэр төрийн хэрэг байдаг ажээ. 

Шинжээчийн үзэж буйгаар амь үрэгдсэн цэргүүдийн гэр бүлүүдийг нэг дор төвлөрүүлэх нь тулааны нөхцөл байдал болон хохирол амссан тухай аливаа цуу ярианы тархалтаас зайлсхийх нэг арга аж. 

Тэдэнд Хойд Солонгосын элитүүд л  амьдардаг Соншин, Хвасон дахь шинээр баригдсан хороололд байр өгөх юм байна. Хойд Солонгосчууд ОХУ-ын нэрийн өмнөөс тулалдаж байгаа тухай мэдээлэл 2024 оны аравдугаар сард тарж, удалгүй зарим нь Украины талд олзлогдсоноор уг мэдээлэл баталгаажсан. Өнгөрсөн сард В.Путин уг мэдээллийг өөрийн амаар баталгаажуулсан байдаг.

Л.Баяр