2024 оны Улсын баяр наадмын түрүү бөх Дархан аварга Н.Батсуурь өөрийн фейсбүүк хуудсандаа нэгэн хачирхалтай зүйлийг дэлгэлээ.
Тэрбээр Зүчи гэх хүнээс хүлээн авсан мессежээ дэлгэн "За энэ Допингийн эсрэг төвийн ажилтан С.Зүчи гэх нөхөр ямар санаатай ийм мессэж бичиж байгааг ойлгосонгүй. Наадмаас хойш гурван удаа шинжилгээ өглөө. Асуудалгүй хариу гарсан. Одоо бол дахиж допингийн байгууллагын золиос болмооргүй байна шүү. Ер нь бөхчүүд өөрсдөө тэмцэх ёстой юм байна. Надаар ингэж ноолж байгаа хүн үнэн шударга ажиллах уу. Цагдаагийн байгууллагад гомдлоо өгнө" гэжээ.
Энэ мэдээлэлтэй холбогдуулан бид Монголын Үндэсний Допингийн эсрэг байгууллагын Гадаад харилцааны албаны дарга С.Зүчитэй холбогдож асуухад "Н.Батсуурь аваргын тавьсан мэдээллийн талаар би түрүүлж мэдээлэл өгөхгүй. Өөрөөс нь асуучих" гэлээ.
Сэтгэгдэл (47)