Энэ удаагийн тэмцээн шинэ форматтайгаар явагдах бөгөөд тэмцээн 2-р сарын 27-ноос 3-р сарын 9-ний хооронд хоёр онлайн шаттайгаар эхэлж, улмаар 3-р сарын 13–15-нд Шведийн Стокхольм хотод LAN финалаар өндөрлөнө. Гэвч сонирхол татсан нэг мэдээ нь Pro League Season 22-ийн аварга Vitality цолоо хамгаалахаас татгалзсан явдал байлаа. Мөн Falcons ч уригдсан эрхээсээ татгалзсан бөгөөд тэдний оронд Ninjas in Pyjamas болон Passion UA багууд оролцох боломжтой болсон байна. Үүний улмаас Aurora болон B8 багууд тэмцээний өрсөлдөөнөө шууд Stage 2-оос эхлүүлэх нөхцөл бүрдлээ.

Мөн FUT баг Lynn Vision-ийг орлон уригдсан нь анхаарал татаж байна. Lynn Vision нь ESL Pro League Season 22-оос өгсөн хугацааны дараа нэрээ татсанаар нэг тэмцээн өнжих шийтгэл хүлээж байгаа юм. Харин уригдсан багуудын дунд FURIA, Spirit, MOUZ, Natus Vincere зэрэг дэлхийн топ түвшний багууд багтаж, VRS (Valve Ranking System)-ийн оноогоо ахиулах зорилготой SemperFi, Gaimin Gladiators, M80 зэрэг багууд доод шатнаас боломжоо сорихоор байна.

Монголын фенүүдийн хувьд хамгийн онцлох мэдээ бол Stage 2-д шууд уригдсан багуудын жагсаалтад 1xBet олон улсын онлайн спортын тааврын компанийн албан ёсны түнш The MongolZ баг багтсан явдал юм. Олон улсын томоохон тэмцээнүүдэд тогтмол өндөр түвшинд өрсөлдөж буй The MongolZ нь FaZe, Natus Vincere, Spirit, FURIA зэрэг дэлхийн шилдгүүдтэй нэг шатнаас өрсөлдөх эрхээ баталгаажууллаа. Энэ нь The MongolZ багийн тогтвортой амжилт, дэлхийн CS2 тавцанд эзэлж буй байр суурь улам батжирч буйн тод жишээ бөгөөд Монголын цахим спортын нэр хүндийг дахин нэг шат ахиулж байна.