2026 Парисын Их Дуулга тэмцээний үеэр Олон улсын жүдо бөхийн холбооны Ерөнхийлөгч Мариус Визер болон Монголын Жүдо Бөхийн Холбооны Ерөнхийлөгч Халтмаагийн Баттулга нар ирэх жилүүдэд Улаанбаатар хотод дөрвөн удаа Их Дуулга тэмцээн зохион байгуулах гэрээнд гарын үсэг зуржээ.
Энэхүү гэрээний сунгалт нь Монгол Улсын олон улсын жүдо спорт дахь чухал байр суурийг дахин нотолж байна. Монгол улс зөвхөн аваргуудын орон төдийгүй дэлхийн түвшний томоохон тэмцээнүүдийг өндөр зохион байгуулалттайгаар хүлээн авч чаддаг гэдгээ олонтаа харуулсан билээ. Улаанбаатар хотод зохион байгуулагдсан Их Дуулга тэмцээн болгонд спортын өндөр өрсөлдөөн, хөгжөөн дэмжигчдийн халуун уур амьсгал, төгс зохион байгуулалтыг хослуулж ирсэн.
Энэ жилийн тэмцээн Лос-Анжелес 2028 Олимпийн наадмын эрх олгох албан ёсны онооны циклийг эхлүүлэх Их Дуулга тэмцээнийг зохион байгуулна. Энэхүү чухал мөчийг дэлхийн олон орны тамирчид, холбоод тэсэн ядан хүлээж дараагийн Олимпийн замын эхлэл болж байгагаараа онцлог болж байна. Ийм ч учраас IJF Монгол Улсад итгэх итгэлээ дахин баталгаажууллаа.
Монголын жүдочид тууштай, тэсвэртэй, хүндлэлтэй, тогтвортой амжилтаараа дэлхийд хүлээн зөвшөөрөгдсөн. Их Дуулга, Дэлхийн аварга, Олимпийн дэвжээн дээр тогтмол медалийн эгнээнд зогсож ирсэн түүхтэй. Эх орондоо зохион байгуулагдах энэхүү тэмцээн нь залуу тамирчдад дэлхийн шилдгүүдийг ойроос харах, үлгэр дуурайл авах ховор боломжийг олгох бол гадаадын баг, төлөөлөгчид жүдо спортын үнэт зүйлс болох хүндлэл, эр зориг, нөхөрлөлийг эрхэмлэдэг ард түмэнтэй танилцах боломжтой.
Ноён Мариус Визер болон Х.Баттулга, Ерөнхийлөгч нар гэрээнд гарын үсэг зурж гар барилцаж харилцан итгэлцэл, ирээдүйн нийтлэг алсын харааг бэлгэдэв.
