1XBet-ийн ивээн тэтгэлэгтэй зохион байгууллагддаг ESL Pro Tour Events-ийн нэг болох IEM Krakow 2026 тэмцээн нь Counter-Strike-ийн Major бус ангиллын түүхэн дэх хамгийн олон үзэгчтэй тэмцээн болж, eSports-ын ертөнцөд шинэ дээд амжилт тогтоолоо.
Катовицагаас Краков хот руу шилжсэний дараах анхны улиралдаа энэхүү тэмцээн асар их анхаарал татаж, финалд Vitality баг Astralis-ийн “Big Event” цомын рекордыг эвдсэн нь тэмцээний оргил мөч байв. Ингэснээр IEM Krakow анхны улирлаа амжилттай өндөрлүүлсэн юм.
Esports Charts-ийн мэдээлснээр IEM Krakow нийт 40,215,587 цагийн үзэлт цуглуулж, Major бус тэмцээнүүдийн дунд хамгийн өндөр үзүүлэлтэд хүрсэн байна. Мөн хамгийн ихдээ 1,387,966 зэрэг үзэгчтэй байсан нь мөн л шинэ рекорд болжээ. Эдгээр тоо нь бүх цаг үеийн Counter-Strike тэмцээнүүдийн дунд үзэлтийн цагаар 13-т, оргил үзэгчийн тоогоор 8-д жагсах хэмжээнд хүрсэн үзүүлэлт юм.
Харьцуулбал, хамгийн их үзэлттэй тэмцээнээр BLAST.tv Austin Major 2025 (76 сая гаруй цагийн үзэлт), харин хамгийн олон оргил үзэгчтэй тэмцээнээр PGL Major Stockholm 2021 (2.7 сая гаруй үзэгч) нэрлэгддэг. Гэсэн ч эдгээр тэмцээнүүд 120 гаруй цаг үргэлжилсэн бол IEM Krakow ердөө 86 цаг үргэлжилсэн нь энэхүү амжилтыг илүү онцгой болгож байна. Үүнээс гадна 1Xbet-ийн ивээн тэтгэлэгтэй зохион байгуулагдсан IEM Katowice 2025 өмнө нь рекорд тогтоож байсан нь IEM-ийн өвлийн тэмцээнүүд тогтвортой өсөлттэй байгааг илтгэж байна.
