Норвегийн цанын домог Йоханнес Хөсфлот Клэбо Милано–Кортина 2026 өвлийн олимпын эрэгтэйчүүдийн 4×7.5 км буухиа уралдаанд түрүүлж, Олимпын ес дэх алтан медалиа хүртсэнээр түүхэн амжилт тогтоолоо. Тэрбээр Эмиль Иверсен, Мартин Лёвстрём Нюэнгет, Эйнар Хедегарт нартай хамт Норвегийн шигшээг ялалтад хөтөлж, Францыг 22 секундээр ардаа үлдээлээ.
Энэхүү ялалтаар 29 настай Клэбо Өвлийн Олимпын түүхэнд хамгийн олон буюу 9 алтан медаль авсан анхны тамирчин болов. Милано–Кортинагийн наадамд ганцаараа дөрвөн алт хүртээд буй тэрбээр үлдсэн уралдаануудад ч түрүүлэх боломжтой хэвээр байгаа нь мэргэжилтнүүдийн анхаарлыг татаж байна.
Тэмцээний мөнгөн медалийг Францын баг авч, барианд Виктор Ловера төрийн далбаагаа намируулан орж ирсэн бол хүрэл медалийг Итали хүртэж, Федерико Пеллегрино багаа манлайлав. Ийнхүү Клэбо дахин нэг удаа дэлхийн цанын спортын “хаан” гэдгээ баталж, Олимпын түүхэнд мартагдашгүй мөр үлдээлээ.
