Дэлхийн хэмжээний брэнд 1xBet 2025 оны төгсгөлд нээлтээ хийсэн “Марти Суприм” киног онцолж байна. Уг бүтээлийг найруулагч Жош Сафди найруулж, шинэ үеийн хамгийн содон жүжигчдийн нэг Тимоти Шаламе гол дүрийг бүтээжээ. Мөн алдарт жүжигчин Гвинет Пэлтроу оролцсоноор киноны жүжигчдийн бүрэлдэхүүн улам хүчирхэг болсон байна.

Киноны үйл явдал нь авьяастай ч амьдралдаа томоохон амжилт гаргаж амжаагүй ширээний теннис сонирхогч залуугийн эргэн тойронд өрнөнө. Тэрбээр авга ахынхаа гутлын дэлгүүрт ажилладаг ч илүү ихийг хүсэж, Английн нээлттэй тэмцээнд түрүүлж, аваргыг буулгаж авахыг мөрөөддөг.

Спортын өрсөлдөөнөөс гадна түүний амьдралд хоёр өөр эмэгтэйтэй холбоотой хайр дурлалын амьдрал давхар өрнөж, хувь хүний хүсэл мөрөөдөл, ёс суртахууны сонголт, нэр төрийн үнэ цэнийг гүнзгий харуулна. Лондонд болсон тэмцээнд тэрбээр хагас шигшээд ялалт байгуулсан ч финалд ялагдал хүлээж, улмаар Японд болох тоглолт, тохиролцоо, дарамт шахалт бүхий ээдрээтэй үйл явдлууд руу татагдан орно.

Киноны оргил хэсэгт шударга ёс, нэр төр хоёрын зөрчил хурцдаж, гол дүрийн шийдвэр бүхнийг өөрчилнө. Үзэгчдийг хором ч уйдаахгүй өрнөл, хөөцөлдөөн, тэмцэл, сэтгэлзүйн дарамт бүхий хэсгүүд нь киноны хэмнэлийг өндөр түвшинд барьж, жинхэнэ спортын драмын мэдрэмжийг өгдөг. Гол дүр нь бодит амьдрал дээрх ширээний теннисийн домог Марти Рейсман-аас сэдэвлэсэн бөгөөд түүний амьдралын зарим хэсгийг уран сайхны элементээр баяжуулсан нь киног илүү сонирхолтой болгожээ. Нээлтээсээ хойш нэг сарын дотор 110 сая ам.долларын орлого олсон нь энэ бүтээл үзэгчдийн сэтгэлд хүчтэй хүрснийг баталж байна.