XVII жарны Сүрээр дарагч хэмээх гал морин жилийн шинийн 15-ны билгэт сайн өдөр тохиож байна. Морь гэдэг амьтан Монголчуудын бэлгэдэлт ёсонд томоохон зай эзлэх бөгөөд морь жилд төрсөн хүүгээ бөх болгоно гэж эртнээс бэлгэшээж ирсэн түүхтэй. Тэгвэл морь жилд төрсөн, жил нь орж байгаа 24 бөхийг онцолж байна. 

1. Улсын дархан аварга Х.Баянмөнх 1943 оны хоёрдугаар сарын 02-нл төрсөн.
2. Улсын аварга О.Хангай 1990 оны 10 дугаар сарын 02-нд төрсөн.
3. Улсын аварга Г.Эрхэмбаяр 1978 оны 11 дүгээр сарын 15-нд төрсөн. 
4. Улсын арслан Д.Азжаргал 1978 оны 10 дугаар сарын 24-нд төрсөн.
5. Улсын гарьд М.Баяржавхлан 1978 оны зургадугаар сарын 08-нд төрсөн. 
6. Улсын гарьд М.Бадарч 1990 оны 12 дугаар сарын 29-нд төрсөн.
7. Улсын заан З.Дүвчин 1954 оны хоёрдугаар сарын 27-нд төрсөн. 
8. Улсын заан Б.Сайнбаяр 1979 оны хоёрдугаар сарын 24-нд төрсөн.
9. Улсын үнэн зоригт харцага Н.Золбоо 1990 оны 12 дугаар сарын 14 төрсөн.
10. Улсын харцага Х.Гантулга 1990 оны 11 дүгээр сарын 21-нд төрсөн.
11. Улсын өсөх идэр начин Ч.Батчулуун 1990 оны дөрөвдүгээр сарын 06-нд төрсөн. 
12. Улсын начин Д.Тамир 1990 оны дөрөвдүгээр сарын 12-нд төрсөн. 
13. Улсын начин Б.Бадамсүрэн 1990 оны гуравдугаар сарын 09-нд төрсөн. 
14. Улсын начин Н.Баярбаатар 1990 оны тавдугаар сарын 29-нд төрсөн. 
15. Улсын начин Д.Энхбаяр 1991 оны нэгдүгээр сарын 04-нд төрсөн. 
16. Аймгийн хурц бадрангуй арслан О.Баярхүү 1978 оны наймдугаар сарын 31-нд төрсөн. 
17. Аймгийн хурц арслан С.Очирбат 1990 есдүгээр сарын 02-нд төрсөн. 
18. Аймгийн хурц арслан Х.Энхчулуун 1990 оны наймдугаар сарын 27-нд төрсөн. 
19. Баян-Өлгий аймгийн арслан Б.Эрболат 1990 оны 11 дүгээр сарын 15-нд төрсөн. 
20. Баянхонгор аймгийн арслан Т.Дүүрэнсаран 1990 оны долдугаар сарын 08-нд төрсөн. 
21. Төв аймгийн аймгийн арслан Д.Батсүх 1990 оны 11 дүгээр сарын 17-нд төрсөн. 
22. Дорнод аймгийн арслан Б.Батдорж 1990 оны зургадугаар сарын 07-нд төрсөн. 
23. Булган аймгийн арслан Ц.Мөнхбаяр 2002 оны тавдугаар сарын 17-нд төрсөн. 
24. Дорноговь аймгийн арслан С.Занданхүү 2002 оны 11 дүгээр сарын 18-нд төрсөн. 

Эндээс үзэхэд морь жилд ховор, сод амжилттай бөхчүүд мэндэлсэн байна. Тухайлбал, Дархан аварга Х.Баянмөнх бол олимп, дэлхийн медальтан, ХХ зууны манлай Монгол бөх, дэлхийн бөхийн од, Хөдөлмөрийн баатар, Улсын баяр наадамдаа 10 удаа түрүүлсэн хүчтэн.

Улсын аварга О.Хангайн хувьд идэр залуудаа тодорч, Аймгийн арслан цолтой Улсын цолтнуудын эрлэг явсан нэгэн. Ард олныхоо хайрыг дааж 2022 онд Улсын аварга болсон. 

Улсын гарьд М.Баяржавхлан бага залуудаа тодорч, залуу бөх байхдаа аймаг, цэргийн цолтны барилдаанд дөрвөн удаа түрүүлсэн. Мөн залуу бөх байхдаа 2001 оны Улсын баяр наадамд зургаа давж, залуу бөхөөс шууд улсын цолтон болж байжээ. Энэ мэт жишээ дурдуул морь жилтэй бөхчүүдийн цуу тасрахгүй. Одоогоор 2002 онд төрсөн морь жилтнүүдээс улсын цолтой бөх хараахан тодроогүй байгаа юм. 

Л.Баяр