Барселона багийн хөгжөөн дэмжигчид дахин үймээн дэгдээж, Атлетико Мадрид багийн автобусны цонхыг нь хагалсан хэрэг гарлаа. Испанийн Marca мэдээлснээр, энэхүү явдлын улмаас цагдаа нар Атлетикогийн тоглогчдыг хэсэг хугацаанд саатуулж, улмаар баг стадионд товлосон цагаасаа хожуу ирэхэд хүрсэн байна.

Тус явдал Копа дель Рей-гийн 2025–2026 оны улирлын хагас шигшээ тоглолтын хариу тоглолтын өмнө Камп Ноу цэнгэлдэхийн орчимд болсон бөгөөд тоглолтод Барселона 3:0-ээр ялсан ч эхний тоглолтод 0:4-өөр хожигдсон тул нийлбэр дүнгээр Атлетико Мадрид финалд шалгарсан юм.

Тоглолтын явцад Барселона илүүрхэж, Марк Бернал эхний гоолыг оруулж, Рафиња мөн гоол нэмсэн бол Бернал дахин гоолдож багтаа найдвар өгсөн ч Атлетико үлдсэн хугацаанд хамгаалалтаа хадгалж финалын эрхээ авч чадлаа. Харин тоглолтын өмнөхөн Барселонагийн зарим фанатууд замбараагүй байдал үүсгэж, автобус руу эд зүйлс шидсэнээс болж цагдаа нар хүч хэрэглэн хяналт тогтоох шаардлагатай болсон байна. Ялангуяа Диего Симеонегийн баг өөр гарцаар нэвтэрч байсан бөгөөд хамгаалалт сул байсан хэсэгт автобус нь “амархан бай” болж, улмаар нэг цонх нь хагарчээ.

Энэ үеэр 1xBet-ийн ивээн тэтгэдэг Барселонагийн тоглогчдыг фенүүд нь халуун дотноор угтан авч, салют буудуулан “Та нар чадна!” хэмээн уухайлан дэмжсэн ч эцсийн үр дүнд баг нэг гоолоор дутан тэмцээнээс хасагдсан байна.

Ийнхүү талбай дээрх ялагдал дээр нэмэгдэн, зарим фанатуудын гаргасан танхай үйлдэл нь клубын нэр хүндэд сөргөөр нөлөөллөө. Аз болоход бэртэж гэмтсэн хүн гараагүй ч Испанийн клубуудын фанатуудтай холбоотой ийм төрлийн хүчирхийлэл шинэ зүйл биш гэдгийг эх сурвалжууд онцолж байна.

Marca мөн ийм төрлийн асуудал өмнө нь ч давтагдаж байсныг дурдсан бөгөөд Атлетико Мадрид баг сүүлийн үед Бильбао болон Сан Себастьян хотуудад зочлох үедээ ижил төстэй халдлага, дарамттай тулгарч байсан аж. Орон нутгийн цагдаагийн хяналт сул байгаагаас шалтгаалан зочин багуудын аюулгүй байдал бүрэн хангагдахгүй байгаа нь томоохон тэмцээнүүдийн үеэр ноцтой асуудал болж байна. Түүнчлэн 2024 онд Барселонагийн зарим фанатууд өөрсдийн багийн автобус руу хүртэл андуурч эд зүйлс шидэж байсан тохиолдол гарч байсныг дурдсан бөгөөд энэ удаагийн хэрэг мөн холбогдох байгууллагуудаар шалгагдах магадлалтай байна. Энэ бүхэн нь хөлбөмбөгийн хүсэл тэмүүлэл хэрхэн амархан аюултай хэлбэрт шилжиж болохыг дахин сануулсан үйл явдал боллоо.