The MongolZ баг 2026 оны PGL Cluj-Napoca 2026 тэмцээнд жинхэнэ сенсаац тарьж, гол анхаарал татсан баг болж чадлаа. Олон улсын 1xBet брэндийн албан ёсны түнш The MongolZ энэхүү тэмцээнд топ-4 байр эзэлж, 43,000 гаруй ам.долларын шагнал хүртээд зогсохгүй үзэгчдийн дэмжлэгийг бүрэн авсан “fan favorite” баг болж чадсан юм. Тэд тэмцээнийг paiN багийг бут ниргэсэн ялалтаар эхлүүлж, Mirage (13-1), Dust2 (13-2) мап дээр давамгайлсан тоглолт үзүүлсэн. Дараа нь тэд бүх цаг үеийн хамгийн хүчтэй багуудын нэг гэгддэг Vitality-тай тулж, Mirage дээр ялалт байгуулж чадсан ч эцэст нь туршлагад дийлдсэн. Гэсэн ч Vitality бүх тэмцээний турш ердөө хоёрхон мап алдахад түүний нэг нь The MongolZ байсан нь Монгол багийн түвшинг харуулсан үзүүлэлт байлаа.
Хожигдлын дараа баг эргэн ирж, B8-тай хийсэн тоглолтод хоёр overtime-той ширүүн тулаанд ялалт байгуулсан бөгөөд энэ үед 910 буюу Б.Өсөхбаяр гайхалтай тоглолт үзүүлж 1.49 рейтингтэйгээр багаа хожилд хүргэсэн. Дараагийн шатанд Natus Vincere-тай хийсэн тоглолтод шинэ тоглогч cobrazera буюу У.Анарбилэг гялалзаж, өрсөлдөгчөө дарамтад оруулан ялалт байгуулахад гол үүрэг гүйцэтгэсэн. Ийнхүү The MongolZ 3-1 амжилтаар плей-оффт шалгарч, шөвгийн наймд дэлхийн чансааны дээгүүр бичигддэг FURIA багийг 2-1-ээр буулган авч томоохон сенсаац бүтээсэн. Энэ тоглолтод cobrazera дахин 1.34 рейтингтэйгээр шилдэг тоглогч болж, 910-ийн AWP тоглолт ч мөн онцгой байлаа.
Хагас шигшээд тэд дахин Vitality-тай таарч, ropz болон ZywOo нарын оргил формд дийлдэн тэмцээнээ дуусгасан. Гуравдугаар байрын төлөөх тоглолтод MOUZ багт 0-2-оор ялагдсан ч The MongolZ 4-р байрт орж, Румын үзэгчдийн хүндэтгэлийг хүртсэн юм. Энэ амжилт нь багийг Valve-ийн чансаанд 9-р байр хүртэл ахиулж, Major Cologne тэмцээнд оролцох боломжийг бараг баталгаажуулсан. Мөн cobrazera tier-1 түвшинд тоглоход бэлэн гэдгээ баталж, 910 нь дэлхийн шилдэг AWP тоглогчдын нэг гэдгээ харуулан HLTV-ээс EVP шагнал хүртсэн нь онцлох амжилт байлаа.
Ийнхүү The MongolZ баг богино хугацаанд асар их ахиц гаргаж, дэлхийн шилдэг багуудтай эн тэнцүү өрсөлдөх чадвартай болсноо харууллаа. Удахгүй эхлэх ESL Pro League Season 23 тэмцээний Stage 2-оос тэд өрсөлдөөнөө эхлүүлэх бөгөөд Монголын esports сонирхогчид төдийгүй 1xBet хэрэглэгчид тэдний дараагийн тоглолтуудыг тэсэн ядан хүлээж байна.
