Ливерпүүлийн од Мохамед Салах мягмар гарагт улирлын төгсгөлд багаа явах тухайгаа ярьжээ. Ливерпүүлийн төлөө 435 тоглолтод 255 гоол оруулсан 33 настай Египет довтлогч түүнийг гэрээний хугацаа дуусахаас нэг жилийн өмнө багийг орхихоор "тохиролцоонд хүрсэн" гэж Премьер лигийн аварга Ливерпүүл багийнхан мэдэгдэв.

Салахын хувьд эл багтаа ес дэх жилдээ тоглож байгаа бөгөөд форм нь маш муудсан тул өнгөрсөн оны сүүлээр хэд хэдэн тоглолтод оролцох боломжгүй болсон. 

"Харамсалтай нь тэр өдөр ирлээ" гэж Салах Инстаграм дээрх постондоо хэлжээ. Энэ пост нь Ливерпүүлийн агуу тоглогчийн удахгүй явах гэж байгаагаа зарласан зургаан догол мөртэй мэдэгдлийн гарчиг байв. Тэрбээр үргэлжлүүлэн "Энэ клуб, энэ хот, эдгээр хүмүүс миний амьдралын нэг хэсэг болно гэж би хэзээ ч төсөөлж байгаагүй гэж хэлэхийг хүссэн юм. Ливерпүүл бол зүгээр нэг хөлбөмбөгийн клуб биш. Энэ бол хүсэл тэмүүлэл, түүх, сүнс юм. Энэ клубын гишүүн биш хэнд ч би үүнийг үгээр тайлбарлаж чадахгүй" гэжээ. 

Энэ нь Ливерпүүлийн хамгийн агуу багийн нэг үеийн супер од болсон Салахын хувьд бага зэрэг хурцадмал явалт юм. Тэрбээр 2017 онд Ромоос ирснээсээ хойш Премьер лигт хоёр удаа, Аваргуудын лигт нийт найман удаа түрүүлсэн. Анхандаа менежер Юрген Клоппын удирдлага дор Садио Мане, Роберто Фирмино нартай хамт аймшигт гурвал гэгдэж байв.

Салах Ливерпүүлийн бүх цаг үеийн мэргэн буучдын жагсаалтад Иан Раш, Рожер Хант нарын дараа гуравдугаарт бичигдэж байгаа бөгөөд Премьер лигийн хамгийн олон гоол оруулсан тоглогчоор шалгарч дөрвөн удаа Алтан шаахай хүртсэн.

Л.Баяр