"Алтан цом"-ын төлөөх шилдэг найман багийн зургадугаар тойргийн сүүлийн хагасын барилдаанууд өнөөдөр болно. 

Энэ жил “Алтан цом 2025” барилдаанд Үндэсний шилдэг 8 компанийн баг өрсөлдөнө. Баг тус бүр 8 гишүүнтэй байх бөгөөд 3 гишүүнийг сонгож, үлдсэн 5 бөхөө сугалаагаар тодруулсан юм. Тухайлбал, МҮБХ-ны 2024 есдүгээр сарын нээлтийн барилдаанаас 2025 оны нээлтийн барилдааныг хүртэлх чансаагаар тэргүүлсэн 80 бөхөөс оролцогч ҮНДЭСНИЙ КОМПАНИУД санал өгч, хамгийн олон санал авсан 40 бөх сугалаанд оролцсон юм. 

Өнөөдрийн барилдаанд Улсын арслан Б.Орхонбаяраар ахлуулсан "АПУ Скайтел" баг, Улсын арслан Ц.Бямба-Отгоноор ахлуулсан "Хубилай хаан" багийн эсрэг хүч үзнэ. 

АПУ ХК, Скайтел ХХК-ийн "АПУ-Скайтел" баг 3 ялалт, 2 ялагдалтай байгаа бол Нутгийн Буян Групп ХХК-ийн "Хубилай Хаан" баг 2 ялалт, 3 ялагдалтай байна. 

АПУ & СКАЙТЕЛ" ХК-ийн "АПУ Скайтел" багт:

1. Улсын арслан Б.Орхонбаяр
2. Улсын харцага Б.Цэдэнсодном
3. Улсын өсөх идэр начин Ч.Батчулуун
4. Аймгийн хурц арслан Н.Амгаланбаатар
5. Аймгийн хурц арслан Б.Очирхүү
6. Аймгийн арслан Т.Төгсдөлгөөн
7. Аймгийн арслан Э.Баасанжав
8. Аймгийн арслан О.Баярбаасан

"Нутгийн буян групп ХХК"-ийн "Хубилай" баг:

1. Улсын арслан Ц.Бямба-Отгон
2. Улсын начин Д.Амарсайхан
3. Улсын начин Б.Даваа-Очир
4. Улсын начин Б.Лхагвадорж
5. Улсын начин Х.Оргилболд
6. Улсын начин Б.Түвшинтөгс
7. Аймгийн арслан М.Эрхэмбаяр
8. Аймгийн арслан М.Гантулга

Л.Баяр