"Алтан цом"-ын төлөөх шилдэг найман багийн долдугаар тойргийн эхний хагасын барилдаанууд маргааш болно. 

Энэ жил “Алтан цом 2025” барилдаанд Үндэсний шилдэг 8 компанийн баг өрсөлдөнө. Баг тус бүр 8 гишүүнтэй байх бөгөөд 3 гишүүнийг сонгож, үлдсэн 5 бөхөө сугалаагаар тодруулсан юм. Тухайлбал, МҮБХ-ны 2024 есдүгээр сарын нээлтийн барилдаанаас 2025 оны нээлтийн барилдааныг хүртэлх чансаагаар тэргүүлсэн 80 бөхөөс оролцогч ҮНДЭСНИЙ КОМПАНИУД санал өгч, хамгийн олон санал авсан 40 бөх сугалаанд оролцсон юм. 

Маргаашийн барилдаанд Улсын арслан Р.Пүрэвдагваар ахлуулсан "Хатант Интернэшнл" ХХК-ийн "Хатант Интернэшнл" баг, Улсын арслан Э.Оюунболдоор ахлуулсан "Миг Даатгал ХХК & Хушхан ХХК"-ийн хамтарсан "Эв Монгол" багийн эсрэг хүч үзнэ. 

Хатант Интернэшнл ХХК-ийн "Хатант Интернэшнл" баг 4 ялалт, 2 ялагдалтай байгаа бол Миг Даатгал ХХК, Хушхан ХХК-ийн "Эв Монгол" баг 1 ялалт, 5 ялагдалтай байна. 

"Хатант Интернэшнл" ХХК-ийн "Хатант Интернэшнл" багт:

1. Улсын арслан Р.Пүрэвдагва
2. Улсын заан С.Сүхбат
3. Улсын харцага Б.Зоригтбаатар
4. Улсын харцага О.Мөнх-Эрдэнэ
5. Улсын начин Т.Дүгэрдорж
6. Улсын начин Э.Мөнхжаргал
7. Аймгийн арслан Б.Шаравдорж
8. Аймгийн заан Э.Түмэндэмбэрэл

Миг Даатгал ХХК & Хушхан ХХК"-ийн хамтарсан "Эв Монгол" багт:

1. Улсын арслан Э.Оюунболд
2. Улсын заан Б.Пүрэвсайхан
3. Улсын заан М.Лхагвагэрэл
4. Улсын начин Ш.Отгонтөгс
5. Аймгийн хурц, бадрангуй арслан Э.Мөнхбаатар
6. Аймгийн арслан Я.Бумбаяр
7. Аймгийн арслан Ц.Лувсан-Адъяа
8. Аймгийн харцага Б.Рэнчинжүгдэр

Л.Баяр