"Алтан цом"-ын төлөөх шилдэг найман багийн долдугаар тойргийн сүүлийн хагасын барилдаанууд өнөөдөр болно. 

Энэ жил “Алтан цом 2025” барилдаанд Үндэсний шилдэг 8 компанийн баг өрсөлдөнө. Баг тус бүр 8 гишүүнтэй байх бөгөөд 3 гишүүнийг сонгож, үлдсэн 5 бөхөө сугалаагаар тодруулсан юм. Тухайлбал, МҮБХ-ны 2024 есдүгээр сарын нээлтийн барилдаанаас 2025 оны нээлтийн барилдааныг хүртэлх чансаагаар тэргүүлсэн 80 бөхөөс оролцогч ҮНДЭСНИЙ КОМПАНИУД санал өгч, хамгийн олон санал авсан 40 бөх сугалаанд оролцсон юм. 

Өнөөдрийн барилдаанд Улсын арслан Б.Орхонбаяраар ахлуулсан АПУ, Скайтел баг Улсын аварга О.Хангайгаар ахлуулсан Од групп багийн эсрэг хүч үзнэ. 

АПУ ХК, Скайтел ХХК-ийн "АПУ-Скайтел" баг - 4 ялалт, 2 ялагдалтай байгаа бол Од Групп ХХК-ийн "Од Групп" баг мөн адил 4 ялалт, 2 ялагдалтай байна. Багуудын ялсан нь шигшээ дөрөвт шалгарна. 

"Од групп"-ийн "Од групп" багт:

1. Улсын аварга О.Хангай
2. Улсын заан Д.Хүдэрбулга
3. Улсын харцага Г.Ганхуяг
4. Улсын харцага М.Бэлгүтэй
5. Улсын начин Б.Түмэндэмбэрэл
6. Аймгийн арслан Х.Наранбаяр
7. Аймгийн арслан Д.Батбаяр
8. Аймгийн начин Б.Гончигсүрэн

АПУ & СКАЙТЕЛ" ХК-ийн "АПУ Скайтел" багт:

1. Улсын арслан Б.Орхонбаяр
2. Улсын харцага Б.Цэдэнсодном
3. Улсын өсөх идэр начин Ч.Батчулуун
4. Аймгийн хурц арслан Н.Амгаланбаатар
5. Аймгийн хурц арслан Б.Очирхүү
6. Аймгийн арслан Т.Төгсдөлгөөн
7. Аймгийн арслан Э.Баасанжав
8. Аймгийн арслан О.Баярбаасан

Л.Баяр