Хөлбөмбөгийн талбай дээр амжилт гаргасан олон одууд зодог тайлсныхаа дараа бизнесийн ертөнцөд ч мөн ялалт байгуулж чадсан байдаг. Энэ удаа 1xBet Монгол танд спортын домгууд хэрхэн өөрсдийн брэндээ босгож, хөрөнгөө өсгөж чадсаныг танилцуулж байна.

Пеле бол нэрээ дэлхийн хэмжээний брэнд болгож чадсан анхны тамирчдын нэг. Тэрээр 1975 онд Нью-Йорк Космос багт нэгдэж их хэмжээний орлого олсны дараа зодог тайлж, Puma, Pepsi, Emirates, тэр ч байтугай Viagra зэрэг томоохон компаниудтай хамтран ажиллаж байв.

Түүнчлэн “Café Pelé” кофены брэндийг эзэмшиж, өөрийн дүр төрх, гарын үсгийг олон улсад барааны тэмдэг болгон бүртгүүлсэн. Түүний нэр, нүүр царай хөлбөмбөгийн бөмбөг, хувцас, гутал, загварын цаг зэрэг олон бүтээгдэхүүн дээр ашиглагдаж байлаа. Пеле зодог тайлсныхаа дараа жилд хэдэн арван сая долларын орлого олж байсан бөгөөд өнөөдөр ч түүний брэнд үнэ цэнээ хадгалсаар байна.

Бразилийн домог Роналдо бизнесээ R9 брэндийн дор олон салбарт хөгжүүлсэн. Тэрбээр Ronaldo TV, Oddz Network, Octagon Brasil зэрэг медиа, зар сурталчилгаа, соёлын төслүүдийг нэгтгэсэн бизнес байгуулсан. Мөн 9ine Sports & Entertainment компанийг үүсгэн байгуулж, дэлхийн одуудтай хамтран ажиллаж байв. Үүнээс гадна төрөлх Крузейро болон Испанийн Реал Валладолид клубуудын хувьцааг эзэмшиж, спортын салбарт ч нөлөөгөө хадгалж байна.

Кларенс Зеедорф бизнесийн өөр нэг сонирхолтой жишээ юм. Тэрбээр 2004 оноос эхлэн Япон-Бразил хэв маягийн хоол санал болгодог Finger’s рестораны сүлжээний хамтран эзэмшигч болсон. Харин Бразилийн шигшээ багийн хаалгач асан Дони зүрхний асуудлын дараа АНУ-д нүүж, D32 Invest барилгын компанийг байгуулан 3000 орчим байшин барьж, бизнесээ 20 сая долларын үнэлгээтэй болгож чаджээ.

Мөн Андреа Пирло, Андрес Иниеста нар дарсны үйлдвэрлэлд хүч сорьж байна. Пирло 2007 онд Pratum Coller дарсны үйлдвэрийг худалдан авч, жилд 15–20 мянган шил дарс үйлдвэрлэдэг гэр бүлийн бизнесийг хөгжүүлж байна. Харин Иниеста 2010 оноос Bodega Iniesta брэндийг өргөжүүлж, усан үзмийн талбайгаа 300 гектарт хүргэн, технологийн салбарт ч хөрөнгө оруулалт хийж эхэлсэн.

Эдгээр жишээнүүд нь хөлбөмбөгчид зөвхөн талбай дээр бус бизнесийн ертөнцөд ч амжилт гаргаж чаддагийг харуулж байна. Та ч мөн спортын ертөнцийн хамгийн сонирхолтой түүхүүдийг 1xBet-тэй хамт олж мэдээрэй!