Мексикийн түүхэн дурсгалт газар болор "Сарны пирамид"-ын орой дээр жуулчид руу гал нээсэн цочирдом хэрэг саяхан гарсан. Уг үйл явдал энэ зун хөлбөмбөгийн Дэлхийн аварга шалгаруулах тэмцээнд сая сая хөлбөмбөгийн хөгжөөн дэмжигчдийг хүлээн авахаар бэлтгэж байгаа тул тус улсад итгэх олны итгэлийг мохоов.

Мексикийн Теотихуакан археологийн бүсэд даваа гарагт болсон халдлагын улмаас Канадын жуулчид эмэгтэй амиа алджээ. Энэ нь Мехико хотоос хойд зүгт 30 милийн зайд орших жуулчдын хөл тасардаггүй түүхэн дурсгалт газруудын цогцолор юм. Долдугаар сард дэлхийн аварга шалгаруулах тэмцээний хэсгийн шатны таван тоглолт тус улсын нийслэлд болох төлөвлөгөө гарсан байна. 

Дээрх эмх замбараагүй байдлын үеэр долоон гадаадын иргэн суманд өртөж шархадсан бол гадаадын өөр зургаан иргэн хөнгөн шархаджээ. Мексикийн Ерөнхийлөгч Клаудиа Шейнбаум өөрийн улс жуулчдад аюулгүй гэдгийг баталж, эрх баригчид энэ төрлийн хэрцгийлэл гарахаас урьдчилан сэргийлэхийн тулд аюулгүй байдлыг чангатгана гэж мэдэгдэв.

Гэвч хар тамхины томоохон магнатыг хөнөөсөн хэргийн хариуд гэмт бүлэглэлүүд өргөн хүрээтэй халдлага, үймээн самуун дэгдээсэн явдал хоёрхон сарын өмнө нь болсон байхад Мексикийн засгийн газар өөрийн улсыг зочлоход аюулгүй газар гэсээр байгаа нь ажиглагчдын санааг чилээг байна. 

Халдлага үйлдэгч нь 27 настай Мексикийн иргэн Хулио Сезар Жассо Рамирез байжээ. Тэрээр ганцаараа уг хэргийг ганцаараа үйлдсэн бөгөөд Мексикийн гэмт бүлэглэлүүд эсвэл хар тамхины картелуудтай ямар ч холбоогүй байжээ.

Л.Баяр