Барсалона, ПСЖ клубуудын тоглогч асан алдарт Неймар Бразилын шигшээ багт дахин дуудагдаж, олон сар үргэлжилсэн таамаг, маргааны эцэст 2026 оны Дэлхийн аваргын бүрэлдэхүүнд багтжээ. Энэ шийдвэрийг Бразилын шигшээ багийн дасгалжуулагч Карло Анчелотти албан ёсоор зарласан байна.

Неймар нь 2023 оноос хойш шигшээ багтаа дуудагдаагүй бөгөөд тухайн үед ноцтой өвдөгний гэмтэл авч удаан хугацаанд талбайгаас хол байсан. Тэр үеэс хойш гэмтэл, биеийн хэлбэрийн асуудал, клубын тоглолтын тогтворгүй байдал, шигшээд эргэн ирэх эсэх тодорхойгүй байдал гэсэн олон асуултууд түүний эргэн тойронд байв. 

Дасгалжуулагч Анчелотти түүнийг сонгохдоо биеийн бэлтгэл сайжирсан, сүүлийн үед тоглолтын форм нэмэгдсэн зэргийг нь харгалзан үзэж багтаа туршлага, манлайлал болгох үүднээс сонгожээ. 

Фенүүдийнх нь түүний эргэн ирэлт “Бразилыг аваргад хүргэх сүүлчийн боломж” бол зарим нь түүний гэмтэлд санаа зовниж байна. Гэсэн хэдий ч түүнийг эргэн ирэхэд ихэнх фенүүд баяртай хандаж байгаа. 

Энэхүү эргэн ирэлт нь зөвхөн нэг тоглогчийн тухай биш, харин Бразилчуудын ДАШТ-ийн амбицийг дахин сэргээж буй том үйл явдал болж байна.

Л.Баяр