PGL Astana 2026 тэмцээний үеэр 1xBet багийнхан PGL-ийн төлөөлөгчид болон The MongolZ багийн тоглогчидтой ярилцаж, Монгол Улс олон улсын хэмжээний цахим спортын тэмцээн зохион байгуулахад хэр бэлэн болсон талаар санал солилцлоо. Сүүлийн хэдэн жилийн хугацаанд Монголын Counter-Strike-ийн хөгжил дэлхийн анхаарлыг татаж, The MongolZ багийн амжилт улс орныг цахим спортын газрын зураг дээр тод томруун байршуулсан билээ.

YaLLa Compass 2024, Thunderpick World Championship 2024 тэмцээнүүдийн түрүү, Esports World Cup 2025-ийн аварга, BLAST.tv Austin Major 2025-ийн мөнгөн медаль зэрэг амжилтуудын дараа The MongolZ 2025 оны есдүгээр сард Valve болон HLTV-ийн чансааг зэрэг тэргүүлж, дэлхийн №1 баг болсон юм.

PGL-ийн зүгээс Монголын цахим спортын хөгжлийг анхааралтай ажиглаж ирснээ онцолсон байна. Тэдний үзэж байгаагаар The MongolZ бол зөвхөн амжилттай баг төдийгүй Монгол Улсын нэрийг олон улсад сурталчилж буй жинхэнэ элч нар аж. PGL-ийн төлөөлөгчид “Өнөөдөр Counter-Strike-ийн шинэ үеийн тухай Монголыг дурдахгүйгээр ярих боломжгүй болсон” хэмээн онцолсон байна. The MongolZ баг ч Монголд PGL хэмжээний тэмцээн зохион байгуулах санааг халуун дотноор хүлээн авч, “Эхний удаад хэн ч бүрэн бэлэн байдаггүй. Гол нь зоригтой алхам хийх хэрэгтэй. Зун эсвэл намрын улиралд ийм тэмцээн зохион байгуулах нь хамгийн зөв сонголт байх болно” гэж ярьжээ.

Монголын цахим спортын өсөлт зөвхөн багийн амжилтаар хэмжигдэхгүй. 1xBet болон The MongolZ-ийн дэмжлэгтэйгээр бий болсон The Horde фен хөдөлгөөн өнөөдөр соёлын үзэгдэл болж хувирсан. Улаанбаатарын төвд багийн тоглогчдын ханын зураг гарч, телевизийн нэвтрүүлэг, сэтгүүлийн нүүрэнд цахим спортын тамирчид гардаг болсон нь шинэ үеийн өөрчлөлтийг харуулж байна. BLAST.tv Austin Major 2025-ын финалын үеэр мянга мянган хүн шөнийн цагаар гудамжинд цугларч багаа дэмжсэн бол The Horde PGL Cluj-Napoca 2026 болон PGL Astana 2026 дээр бөмбөрийн цохилт, уухай, өвөрмөц дүр төрхөөрөө бүх аренын анхаарлыг татаж чадсан юм. PGL-ийн зүгээс Монголын фенүүдийн идэвх, нэгдэл, өвөрмөц өнгө төрх нь зохион байгуулагчдын хувьд хамгийн их сэтгэгдэл төрүүлсэн зүйлсийн нэг байсан гэж онцолжээ.

Өнөөдөр Монгол Улс олон улсын тэмцээн хүлээн авах үндсэн шалгууруудыг хангаж эхэлсэн байна. Цахим спортын өргөн хүрээний үзэгчид, дэлхийн түвшний баг, хүчирхэг хөгжөөн дэмжигчид, мөн олон улсын зочдыг татахуйц өвөрмөц соёл зэрэг нь Монголын давуу тал юм. Түүнчлэн M Bank Arena, AIC Steppe Arena, Бөхийн өргөө зэрэг томоохон арга хэмжээ зохион байгуулах боломжтой байгууламжууд бий. PGL нь Бухарест, Клуж-Напока, Астана, Сингапур зэрэг хотуудад томоохон тэмцээнүүд зохион байгуулж ирсэн туршлагатай бөгөөд ирээдүйн шинэ байршлуудыг идэвхтэй судалж байгаа аж.

PGL-ийн Гүйцэтгэх захирал Сильвиу Стройе энэ талаар “Монгол Улс PGL-ийн анхаарлын төвд байна. Бид Улаанбаатарт ирээдүйд ямар тэмцээн зохион байгуулж болохыг судлах сонирхолтой байгаа.

Институци, бизнесийн байгууллагууд болон нөлөө бүхий хүмүүсийн төлөөллүүдтэй хамтран ажиллахад нээлттэй. Төв болон Зүүн Хойд Азийн бүс нутаг дэлхийн цахим спортын хуанлид илүү том байр суурь эзлэх ёстой гэж бид үздэг бөгөөд Монгол Улс энэ ирээдүйн чухал хэсэг мөн” хэмээн мэдэгдсэн байна.

The MongolZ баг болон The Horde хөдөлгөөнийг дэмжиж буй 1xBet-ийн идэвхтэй оролцоо Монголын цахим спортын экосистемийг хөгжүүлэхээс гадна Монголын хөрсөн дээр анхны томоохон CS2 тэмцээн зохион байгуулагдах өдрийг улам ойртуулж байна.

“Бид бэлэн, The MongolZ бэлэн, Монголын фенүүд бүр ч илүү бэлэн. Харин та бэлэн үү?” хэмээн The MongolZ асууж байна.